韓面
2013起雙飛
每年韓國必有一大堆新男團及女團湧現，新舊組合大混戰，唔係齋唱 K-pop跳 hip hop就可以留住班 fans，點都要搞吓花臣。上年興完組合隊員單飛搵食，去到 2013年，組合中抽 2個成員組成雙飛小組吸金將成為大趨勢。
剛過去的 1月，已分別有 SISTAR分拆的 SISTAR 19； 4MINUTE拆散組成的 2 Yoon；以及 infinite抽 2位成員組合的 Infinite H推出應市。當中以巨肺孝琳同索女寶拉的 SISTAR 19最有睇頭，新歌〈 GONE NOT AROUND ANY LONGER〉更唱盡由少女變大人的成長經歷，中晒韓妹心聲。
由孝琳同寶拉組成的 SISTAR 19，照樣走舞孃路線跳辣身舞。而隊名中的 19，意思是 19歲正是少女變成大人的分界線，所以 2人的新歌〈 GONE NOT AROUND ANY LONGER〉，就描述一個少女失戀後，要堅強變做大人的經歷，大把韓妹當正係自己心聲。
SISTAR 19賣「柚」吸金
SISTAR 19是由韓國 4人勁舞女團 SISTAR當中，最唱得成員孝琳及最跳得的寶拉分拆組成的姊妹團體。 SISTAR 19早於前年已組成，曾出過細碟《 Ma Boy》，由於上年孝琳與寶拉一直忙於催谷 SISTAR本身的細碟《 Alone》及大碟《 Loving u》，所以 SISTAR 19的活動停足 1年有多，今年 2人趁有時間即重組 SISTAR 19應市。
新大碟《 GONE NOT AROUND ANY LONGER》已於 1月 31日推出，主打歌〈 GONE NOT AROUND ANY LONGER〉雖屬中板跳舞歌，但 MV中孝琳及寶拉照舊施展拿手趷籮柚舞功，勁有睇頭，成流行榜 no. 1應該冇難度。但剛過去的 1月，寶拉因參加 MBC電視台的《新年偶像運動會特輯》時不慎倒地，還搞到腳部受傷，據知傷勢還會影響新碟宣傳，正值搏殺先跌傷腳，認真出師不利喎！
左起
昭宥 寶拉 孝琳 多順
由 4個 19歲至 23歲韓妹組成的 SISTAR，出道 3年經常 4位 1體，上年成績超好，攞走 MAMA頒獎禮嘅「最佳女子組合」獎。
MV除勁舞連場，當中一幕寶拉被 MV男主角錫額頭，動感得嚟亦加添幾分浪漫。
SISTAR 19新歌〈 GONE NOT AROUND ANY LONGER〉 MV中，孝琳同寶拉唔只勁扭籮，仲 fing埋水髮，超動感。
2 Yoon轉玩鄉謠
除 SISTAR 19外，另外一隊由 4MINUTE中 2位隊員嘉允及智允組成的 2 Yoon，亦於 1月 17日推出新迷你大碟《 Harvest Moon》。以往嘉允及智允經常挺胸扭籮唱 K-pop超惹火，但今次 2 Yoon就轉型，唔只轉玩鄉謠音樂，形象更由型女變成鄉下妹，仲冚到實一實。難怪新碟推出後，最高只得攀升到韓國 Gaon大碟榜第 7位，成績只屬一般。
左起
嘉允 智允
以往形象索爆嘅嘉允同智允，合組 2 Yoon後，轉走鄉謠路線，連形象都變埋鄉下妹。咁鬼娘，唔怪得新碟《 Harvest Moon》只上到銷量榜第 7位已止步。
左起
昭賢 嘉允 智允 泫雅 智賢
今月頭， 5位 1體嘅 4MINUTE曾來港開騷，當時 5個索女着晒緊身舞衣挺胸跳勁舞， hot到爆。
為谷新歌〈 24/7〉，最近 2 Yoon經常上 SBS歌唱節目《人氣歌謠》表演，但今次形象密實又老土。
Infinite HYo爆韓迷
女子組有 SISTAR 19同 2 Yoon；男子組就有原本由 7人組成的男團 Infinite，抽 2名最紅巴打東雨及 Hoya合組的「 Infinite H」，而隊名中的 H，代表 hip hop，所以 2人於處男迷你大碟《 Fly High》中大玩 hip hop兼喪 rap來 yo爆歌迷。《 Fly High》一碟早於 1月 11日推出，首週曾攻佔 Gaon大碟榜第 2位，成績比 2 Yoon好好多。
為谷新碟《 Fly High》嘅主打歌〈 Special Girl〉，最近 2位巴打經常上《人氣歌謠》又 rap又跳，搞到現場觀眾嗌到癲。
左起
Hoya L 聖圭 東雨 成烈 成鍾 優鉉
7人男子組合 Infinite，出道 3年由 11年開始紅到過日本，曾出過 7張日本細碟。
左起
Hoya 東雨
Infinite H是從 Infinite7個成員中最靚仔的東雨及 Hoya組成，主要走 hip hop路線。 2人化過靚妝後，成個樣 sharp醒晒。
留言列表
{{ article.title }}
