Angela斥胸模離譜

歌手區文詩（Angela）前晚出席書展活動時，坦言抗拒胸模的寫真集：「啲寫真集好意淫囉！不知所謂，同鹹書冇乜分別！（你會唔會出寫真？）要除衫影呢啲相好離譜同不雅！」至於同場的歌手亢帥克面紅傻笑：「我有睇新聞，知道Phoebe係邊個囉！我鍾意啲比較清純嘅，Cosplay同制服都啱睇！」

Angela抗拒影寫真，但預告會為新歌行性感。

Chole承認曾兼職做模特兒，全裸任影。

許穎（ Phoebe）的寫真露點又露罅，原來她的新師妹 Chole同樣大膽，有讀者報料指現年20歲的 Chole原名 Candice，內地出世的她六歲來港，中六畢業轉讀護士課程，邊讀書邊兼職做模特兒，有着衫或全裸工作都做，全裸收1,000元一個鐘。 Chole被學校發現後被迫退學，叠埋心水執靚個樣，整大對眼和收細包包面做模。

Cassie之前面闊又肥（圖），相比現在簡直兩個人。

Chole收細包包面，執靚個樣出寫真。

賣肉讀書

對於曾拍裸照， Chole昨在電話中說：「我係影過，當係藝術同青春留倩影，同埋我父母已過身，當年做模特兒都係想賺錢讀書。」至於樣子有變， Chole強調沒整容，又直斥不知何故全裸相片會流出。
至於 Phoebe另一師妹 Cassie亦被網友瘋傳一批早年衣衫不整的相片，樣子與現在簡直兩個人。

LuLu抽龍心水

模王璐瑤（ LuLu）在書展被龍心偷襲，自稱被箍頸兼錫面，十足受害者。早兩日龍心將當日親手拍的片段放上網，片內有他自拍小便，但不見龍心強吻 LuLu，反而見到她和 Naomi相當享受龍心當日的「表演」，有講有笑之餘， LuLu和 Naomi看到龍心跳舞更拍爛手掌， Naomi又幫龍心拍片，完全不覺 LuLu有幾驚。

李蘊師妹鬧玩內褲變態

李蘊師妹張暖雅及文凱玲昨日到書展支持師姐，兩女齊齊以性感Look亮相，不約而同力撐李蘊的寫真集夠自然，張暖雅說：「今年有啲好重口味，我就鍾意甜美Style！」問到身穿低胸裝的文凱玲怕不怕被龍心攻擊？她說：「唔驚！有保安又有同事！」對於有胸模以入院來博宣傳？張暖雅說：「我覺得佢哋搵錢好努力！（送內褲畀人？）太誇張，自己都唔舒服！啲人變態先會要，佢哋根本唔Care係邊個，只要係女人就得！」文凱玲亦斥概念惡心：「過咗火，即刻除真係好核突！」事後她們還一同行書展，被不少粉絲包圍，離場時更有粉絲「死跟」合照，有男粉絲更輕撫文凱玲的玉背拍照！

文凱玲（左）及張暖雅性感現身書展，相當惹火！

割愛泳褲遭鬧爆網民：燒番畀佢

為了爭取曝光，黃榕竟肯「割愛」送出泳褲，認真教壞細路！大班宅男一呼百應，多諗頭的網民發揮無限想像，紛紛在討論區搶答「如果你得到黃榕條泳褲會點處理？」這條世紀大難題，部分網民笑言可以用條泳褲來煲湯、「燒番畀佢」、拍賣或落她降頭，有些網民更索性睬她都傻，坦言就算送上門都唔會要！

黃榕

張暖雅文凱玲斥送底褲核突

李蘊師妹張暖雅及文凱玲昨日一同以性感打扮現身書展，表示特意前來支持師姐的寫真，二人稱有保安及同事護駕，不擔心惹來「維園霆鋒」龍心抽水。

張暖雅（右）及文凱玲以性感現身，坦言不擔心被人抽水。

對於今年o靚模寫真是非多？張暖雅說：「今年好犀利，宣傳手法都好多！」但就力撐同門師姊妹寫真賣自然及健康，直言部分寫真的確重口味。當談到有o靚模以入院來博宣傳？張暖雅坦言：「我覺得唔係真，點會咁啱？（會唔會送內褲？）太誇張都唔舒服啦，啲人變態先會要呢啲嘢！」而文凱玲則大表惡心：「過咗火啦，即刻除真係好核突！」

事後二人一同行書展，就被多名龍友和fans包圍，她們亦有停下來讓fans拍照。當她們準備離開時，fans依舊死跟，還爭取時間再跟她們合照，其中一名男fans更輕撫文凱玲的纖腰拍照，非常幸運！

黃榕擺地攤趁風攞尾彩

性感女星黃榕（Gloria）的寫真雖然未能入書展，但她仍盡地一鋪，趁八號波登陸前，於書展場外作最後宣傳。性感上陣的她，大做人肉布景板兼派海報，對粉絲要求亦有求必應，趴地簽名、攬腰合照亦照單全收。

黃榕俯身騷胸簽名，以行動討好粉絲。

性感女星黃榕（Gloria）、王璐瑤（LuLu）、鍾蕙芝（Lavina）昨日齊齊現身書展，但她們竟不是監督自己的寫真銷情，反而主攻女性讀物、字典及旅遊書，實行掃平書。另外，Gloria亦帶來了親筆簽名海報送給現場粉絲，現場即時引起混亂。LuLu及Lavina亦以行動支持好姊妹，幫忙派海報。當中一名瘋狂粉絲突然取出《東方日報》的剪報送給LuLu，並要求合照及簽名，叫她又驚又喜。

拋胸簽名

擾攘了半小時後，會場播出有關八號風球懸掛的消息，呼籲大家疏散。三女亦準備離開，但粉絲們明顯意猶未盡，一直尾隨。有見及此，Gloria臨時決定偷雞於會場外設置小攤位宣傳寫真，於書展落幕前盡最後努力宣傳！為了討好粉絲，她更不介意趴在地上於海報簽名送給他們，更俯身騷胸，邊簽邊合照，實行賣大包！

LuLu（中）及Lavina（左）齊齊支持黃榕，幫手宣傳寫真。

受到滋擾

另外，她透露自日前向粉絲送出穿過的泳褲後，她於微博上即收到逾百個滋擾短訊。她說：「有啲直情話你送嗰條褲會唔會有女性月經，可唔可以送畀我等等。（有冇諗住報警？）我承認自己過咗火，唔會報警，不過以後送海報算啦。」而網友對她「割愛」送泳褲就發揮無限想像，紛紛在討論區搶答「如果你得到黃榕條底褲（泳褲）會點處理？」這條問題，部分網友笑言可以用來煲湯等，但有網友就直言送上門都唔會要！

文：名人組

亢帥克獨愛A.Lin寫真

歌手亢帥克、區文詩（Angela）與葉文輝（啤梨）等前晚於書展出席兒童活動，眼見亢帥克轉新形象，他解釋：「不嬲都鍾意戴眼鏡，可以遮黑眼圈，同埋呢個look舒服啲。」問到近日忙於四出宣傳新碟的他有冇買過o靚模寫真？他臉紅傻笑：「有買過A.Lin嗰本。（自己鍾意啲咩類型？）我鍾意啲比較清純嘅，不過cosplay同制服都啱睇！」

亢帥克坦言鍾情玩cosplay及制服誘惑的寫真。