你好×大鑊 真實對白
狂躁 Paul連日於微博發火，更轉發了公開某編輯電話的微博，之後更在微博留言︰「我就寧做個頂天立地、光明磊落的搖滾爛仔！」言行舉止，入型入格。
封面
猛料拳館撐腰 黄貫中 Rock友變爛仔
明年是 Beyond成立 30周年，一直有說黃家強、黃貫中和葉世榮會再以 Beyond名義搞騷，加上撞正家駒逝世 20周年，可以說是全城期待。
不過， Paul連日來為演唱會被指只有七成入座率，於網上發表的狂躁兼涉及恐嚇言論，據知激嬲贊助商之餘，甚至連 Beyond第 1代成員劉志遠和鄧煒謙亦有意聯同家強、世榮，飛起惡 Paul舉辦 30周年 show。
Rock友變爛仔，其實 48歲黃貫中近年極度沉迷打泰拳，好勇鬥狠，而其擔當會長一職的「柏龍國際泰拳搏擊中心」，背後有多位猛人撐腰，江湖味甚濃。
明星兄弟幫
近年沉迷打拳的 Paul，性格變得更狂躁，搞音樂之餘，打拳渡日。《蘋果日報》圖片
據知 Paul於 5年前認識柏龍拳館的創辦人陳德興師傅，當時陳師傅有興趣學打鼓， Paul自動請纓教授，結果兩人惺惺相惜， Paul初次接觸打拳，更愛上此運動，結果沉迷。
位於土瓜灣的柏龍拳館，大廈不時有明星出入，連何超儀的 band房都在大廈內，本來低調的陳師傅亦因身邊充斥着明星而變成星級師傅，拳館外更張貼不少明星海報，最當眼當然是 Paul演唱會海報。而陳師傅本身來頭不小，是 90年代江湖猛人、人稱某社團五虎「鬼添」的生死之交，兩人以師兄弟相稱。曾入冊的「鬼添」現已「從良」，而擁大學 MBA學位、英文了得的他，現在活躍於拳館界，但已不問江湖事。
黃貫中上週於 fb內轉發報館編輯電話，又於微博稱記者「你好×大鑊」，原來他的「成魔之路」，主因是近年沉迷拳擊，性格變得狂躁， Paul更是土瓜灣「柏龍國際泰拳搏擊中心」的會長，拳館背景甚猛；加上今次演唱會因欠缺宣傳而票房失利，終於引爆阿 Paul！
館長陳德興
Paul不時為拳館出力， 11年更擔任「慈善國際泰拳賽」頒獎嘉賓，與陳德興師傅一起頒獎。
江湖猛人鬼添
人稱「鬼添」的李育添現為「香港泰拳理事會」的榮譽總監，更是「柏龍」的永遠會長，跟陳師傅相識多年，經常於拳賽碰面。而「柏龍」名譽會長多達十九人，大部分是娛圈中人，最年輕的英皇陳偉霆、張致恆等，至截稿前仍未回覆。
陳德興師傅亦有玩微博，陳偉霆、鄧穎芝等都有關注他，而他亦關注不少紅星，如楊千嬅、容祖兒和薛凱琪等。
自從約在 5年前，陳德興師傅結識 黄貫中後，陳師傅變得高調，亦廣結不少明星徒弟，如張家輝（左）和最近重返無綫的林偉（右），亦拜其為師，兩人亦是「柏龍」的名譽會長。
有指 Paul的經理人 Ada（右）在演唱會安排宣傳不善，導致票房失利。
經理人煽風
藝人與傳媒關係破裂，身為 Paul經理人的 Ada沒有拆彈，反而令躁底 Paul更激動，據知是有人希望轉移視線。知情人士說︰「話晒可口可樂贊助，但咁耐以來， Paul都只係作咗首歌咁大把，演唱會之前佢個經理人 Ada又推 咗唔少訪問，啲飛點會賣得好， Ada之後知衰，咪不斷同 Paul講，話班記者要插佢，因朱茵身為教徒卻犯禁未婚懷孕， Paul咪愈來愈激囉。」事發至今，由狂躁到知衰認爛仔，一直都是 Paul一人獨攬，身為 Paul與朱茵的經理人 Ada卻一粒聲都冇出。
黃貫中自從家駒離世後， Paul跟家強關係已大不如前，近年 Paul更主力發展其樂隊「 The Postman」，已跟不少音樂人失去聯絡；而令 Paul性格突變，是因為近年沉迷拳術，身邊玩埋都是格鬥王。知情人士說︰「 Paul喺土瓜灣間柏龍拳館打拳，有時仲會打吓比賽，開口埋口都打拳，發生呢件事之後，打拳班兄弟好多都話幫手，搞到 Paul個心好野，佢講得啱，佢真係爛仔格，但只係衰性格衝動。」 Paul近年亦多了參與拳館活動，大小比賽都義務出席頒獎，甚至拳館的宣傳海報，他都搭膊頭做設計總監。
貼滿海報
柏龍拳館外貼了不少宣傳海報， Paul 06年的紅館演唱會海報至今仍貼上。
飛起躁 Paul
Paul於微博爆發，除引起 Beyond迷關注外， Beyond第 1代的成員亦有所行動，希望在 Beyond明年的 30周年「做 啲 嘢」，如果成事，必定比 3子開 show更震撼。
知情人士說︰「雖然 Beyond走紅時期，係靠 4子打起江山，但其中 2位舊成員 William（鄧煒謙）同劉志遠都有意出山， William一直同世榮關係密切，聽聞有人藉今次 Paul發難，提議飛起佢， 2舊 2新 Beyond成員搞 30周年 show！而且『 Beyond』呢個名，其實都係 William改，所以更加出師有名。」不過話晒阿 Paul都係 Beyond中流，要飛起佢，絕啲喎！
Paul每隔幾年便開騷，次次都爆場，但今次禍從口出，隨時被飛 Beyond 30周年演唱會。
朱茵力撐
現年 48歲的 Paul，將於年底跟相戀 14年的女友朱茵，同步進行結婚生 B，今次事件，朱茵亦少有地出言力撐。《蘋果日報》圖片
Beyond成員交替
Beyond的第一代成員，結他手鄧煒謙（ William），又稱鄔林（左圖）， 83年離隊， 00年 Beyond各成員暫停樂隊活動後，加入了葉世榮組成的樂隊，並到國內四處演出。他最近接受陳海琪訪問，大談 Beyond往事，據聞亦十分留意 Beyond近日的新聞。而其他第一代成員李榮潮、陳時安和 Owen Kwan則不知去向。
第一代成員
鄧煒謙
網上圖片
第二代(左起)
•黃家強（ 83年底加入）
•黃家駒（創隊成員，樂隊靈魂人物，於 93年在日本因意外離世。）
•葉世榮
•黃貫中（ 85年加入）
•劉志遠（結他手及鍵琴手， 88年離隊。）
網上圖片
最終版
網上圖片
惡 Paul逢人鬧
開得紅館 show，就算人氣再好，都唔係作首〈紅黑紅紅黑〉咁簡單。
黃貫中出名躁底，曾多次發火鬧人又爆粗，火爆起 嚟連警察都鬧過， Paul係時候練吓 EQ喇！
躁鬧記者
近期黃貫中因有報道指他的個唱入座率只得七成，他便在微博開名用粗口鬧某報編輯及記者十多年來多次惡意中傷，又說：「我雖唔打女人，但你點睇都係男人。」更轉發該女編輯手機號碼。
不忿偷拍
10年女友朱茵被狗仔隊偷拍， Paul凌晨開 blog狂鬧：「唔出聲不代表我怕你們……近十多年來我已經忍夠，今天 40幾歲的我還有甚麼要怕？我所愛的人受到傷害的時候，我絕不會坐視不理！」
唔肯認窮
喪抦警察
《蘋果日報》圖片
同年平安夜， Paul帶埋朱茵乘車到尖沙咀出席倒數活動，遭警員阻撓不准落車，他即滿肚火說：「頭先班差佬唔畀落車，我明白明愛醫院外點解死人，係官僚作風……我都有份出糧畀佢 哋，捉賊槍戰又唔見咁生猛，欺壓良好市民就咁 man！」
留言列表
{{ article.title }}
