SISTAR 4個辣妹，行性感 no problem，最大賣點係靚股，絕技係着住 4吋高斗令踭都可以跳勁舞，佩服！
韓面
SISTAR 趷籮舞贏晒
𠵱家韓國最出名，除咗整容外，一定係睇得又跳得嘅女子樂團。
近年韓妹團靠人多取勝，但只得 4個 90後索女組成的 SISTAR一樣紅得起。前年出道的 SISTAR，主 sell靚籮，至叻跳趷籮舞。其實 SISTAR唔係齋靠身材，唱歌堅掂，最新跳舞歌〈 LOVING U〉，最近仲喺《 Music Bank》人氣榜攞咗 no. 1，巴閉啦！
由 4位 19歲至 22歲韓妹組成的 SISTAR於前年出道，唔同其他女團齋 sell長腿， SISTAR至勁武器就係靚籮，至出名係跳趷籮舞，據知 SISTAR埋班前，所屬嘅 Star Ship Entertainment已加強訓練 4個女仔跳趷籮舞，無論前後左右，甚至着高踭鞋一樣可以跳住趷，同 4 MINUTE成員泫雅嘅扭籮舞有得揮。加上主音孝琳又擁有把巨肺聲，出道至今攞獎攞到手軟。
攞冠軍 O嘴
前週《 Music Bank》節目中， SISTAR新歌〈 LOVING U〉成 no.1，公布排名時，主音孝琳都 O晒嘴，唔敢相信結果。
制服上陣
新歌〈 LOVING U〉 MV中， 4個辣妹唔只着晒熱褲跳勁舞，最養眼係佢哋水手裝制服開大 V露出事業線，唔怪得 MV上載 YouTube唔夠一個月，已超過 220萬點擊率。
最紅隊員
孝琳巨肺跑出
SISTAR 4位索女中，以主音孝琳最紅。孝琳特色係擁有一把磁性巨肺聲，有韓版 Beyoncé之稱，加上擁有 D cup上圍，殺晒。
連環 No.1
不過 SISTAR最勁一定係今年，早於 4月份推出 EP《 Alone》曾打入美國 Billboard嘅 K-pop chart冠軍，剛於 6月尾出籠嘅新碟《 LOVING U》唔只賣得，同名主打歌〈 LOVING U〉於前週在 KBS電視台皇牌音樂節目《 Music Bank》流行榜中，攞埋 no. 1添！ SISTAR今年個勢咁勁，嚟緊 9月將勇闖首爾奧林匹克會堂開首次屬於 SISTAR名義嘅演唱會，勁升呢！
CM紅人
SISTAR在 2012年上半年已接咗 7個廣告，而當中寶拉係最近被人熱炒嘅 Galaxy SIII手機代言人，人氣都唔輸蝕。
16歲扒女
21歲孝琳 𠵱家成為萬人迷，但原來 5年前讀高中時，單眼皮、眼腫、鼻扁兼闊面同 𠵱家簡直兩個樣，唔怪得被人懷疑佢執過個樣。
由出道至今， SISTAR一直成為雜錦騷常客，今年 9月將在首爾奧林匹克館開真正嘅 SISTAR騷，終於開齋。
前年 SISTAR於《 Y-STAR LIVE POWER》表演途中，寶拉（右）突然仆在台上，搞到手指公受傷而休養，但之後寶拉亦提早開工，勤力到死。
病都要做
分拆吸金
雖然 SISTAR由出道至今只得 3年歷史，但上年最紅成員孝琳同寶拉 2人分拆出嚟組成一隊叫「 SISTAR 19」嘅孖妹組合，不過只出過一張細碟就冇下文，其實只係佢哋經理人公司想幫佢哋搞吓 gimmick嘅吸金方法啫。
孝琳同寶拉曾自組 2人組合 SISTAR 19推出細碟《 MA BOY》，雖然 2人唱得又 rap得，但暫時只出過一張細碟。
留言列表
{{ article.title }}
