黃之鋒去年成立學民思潮，反對香港推行洗腦教育。傳媒訪問他，他表現淡定、言詞有力人人畀 like。今年書展推出的《夾縫》訪問了十幾個 80、 90後，黃之鋒在訪問中呼籲市民不要迴避政治議題。
搜尋氣
黄之鋒唔好崇拜我
我 15歲唔代表咩 嘅，只係我覺得對社會有責任至俾人關注。但唔好將黃之鋒變成個人崇拜，我只係巧合咁創辦 咗學民思潮。
有人話我老積，我只係睇場合，要令人信服就要認真啲、同尊重啲，開頭講嘢都會窒，透過多次討論就會有完整思路。
嗲 哋媽咪畀好大自由度我，我搞學民思潮只要同佢 哋講聲就得。佢 哋唔係成日講政治 㗎，其實佢 哋都唔去集會、遊行，但立場當然支持民主派，有時同我傾吓咁啦！
黃之鋒逛書展撞見教育界立法會議員張文光，張立即主動握手，更送簽名書給黃之鋒以示鼓勵，黃則興奮叩頭回禮。
次文化堂工作人員要求黃之鋒合照，個個年紀比他大成倍。
我只係普通中學生，鍾意睇戲、唱 K、行山，我都會約學民思潮 嘅成員去睇《 Batman》，唱 K會揀 Beyond、 Kolor，陳奕迅麻麻，周柏豪隻〈傑出青年〉我覺得幾正！
喺學校唔會講咁多時事，同學討論劇集，我上網都知少少 嘅，咪傾吓囉！考完試就一齊去玩，吹水、打邊爐，我 𠵱家冇拍拖，亦都冇人追我喎。我做緊公民抗命，亦會以家庭同學業為先，所以唔會考慮拍拖。
我唔係乜嘢英雄、政治新星，期望自己係群眾入面 嘅推動者，而唔係精神領袖；爭取民主係要群眾參與，咪淨係話我好勁，自己就匿 喺屋企。
上週日（ 15日）《城市論壇》內，黃之鋒指左仔組織國民小先鋒副主席余綺華可能參加立法會教育界功能組別選舉，要求她交代立場，余激動拍 枱反駁，短片在互聯網點擊率超過 40萬，黃之鋒即變學生偶像。
全站熱搜
留言列表
{{ article.title }}
