又穿煲添！（設計對白）
早前被踢爆迫家傭瞓廁所嘅 Purple嬸嬸，唔只刻薄， 𠵱家仲被 FBI搵到佢講大話嘅鐵證。 FBI真係質疑成日唱兒歌嘅佢，點樣教好小朋友呢？
FBI File
扮細 6年 公開 Purple嬸嬸 39歲出世紙
Purple嬸嬸（李紫昕），家住 1,800呎將軍澳大宅，之前因為迫印傭瞓廁所馬桶上面嘅報道出街後，受全城圍插。
除咗對印傭刻薄，呢位兒歌天后仲鍾意講大話。 Purple嬸嬸年中接受訪問講「盛女」生活時仲報稱 33歲，而且一直以「多謝關心」避開真實年齡，以為可以過關。不過查證有一手嘅 FBI當然唔會畀大話精咁易過骨，最近終於得到 Purple嬸嬸嘅出世紙， FBI發現 Purple嬸嬸原來係 1973年 7月 3日出世，啱啱 39歲生日無耐，兒歌天后足足報細咗 6歲，全無誠信可言。
週一（ 23日）， FBI致電 Purple嬸嬸查詢，佢一聽到 FBI問「年齡」兩字，即落閘：「唔好意思我唔喺香港，呢啲嘢我唔回應喇，拜拜！」之後更索性熄咗電話。咁又係，「年齡」係女人最大秘密，更何況係「虛報年齡」？
李紫昕嘅出世紙，裏面寫明紫昕嬸嬸係 1973年 7月 3日出世，計計吓即係 39歲，鐵證喺手，冇得抵賴。
Purple嬸嬸（箭嘴）早前接受訪問，提供咗佢讀中四時喺學校討論「電影三級制利弊」嘅相，而「三級制」早於 1988年推行。若果當時 15歲讀中四，計吓數， 𠵱家起碼 39歲，呢張相其實一早出賣咗佢。
迫印傭瞓廁所惹公憤後，之後惟有安排印傭喺另一間房瞓喺床上擺甫士再影相，卻又被踢爆係 Purple化妝房。
識搭嫩草
早前， Purple嬸嬸由緋聞魔術師男友高正安（ Andy）接放工時，男方好避忌唔敢面對鏡頭。 Andy今年先 32歲，比 Purple足足細咗 7年，嬸嬸識食喎！
全站熱搜
留言列表
{{ article.title }}
