擁有 42吋「岩石胸」的鄭伊健前晚獲蔡一智邀請錄影《華麗明星賽》，穿上單薄服飾的他被蔡一傑狂抽水，連嘉賓葛民輝也頂不順傑仔的「姣勁」，取笑傑仔是「蔡師奶」。

現年 43歲的鄭伊健早前為演唱會狂操弗，令其 42吋「岩石胸」更見健碩，前晚他與佘詩曼、葛民輝和陳法拉到將軍澳電視廣播城錄影草蜢主持的《華麗明星賽》，獲蔡一智邀請做嘉賓的伊健因打扮求其，被指不夠華麗，蔡一傑見伊健一身單薄裝束，忍不住狂抽水，對伊健的「岩石胸」上下其手，還說：「你睇吓我哋個個都有毛（指身上的 fur），你着得咁薄。」慘被抽水的伊健尷尬得難以反抗，最後要阿智解圍說：「我警告你，唔好性騷擾我嘅嘉賓。」

放大圖片
葛民輝取笑蔡一傑行為似足蔡師奶，更指他主持《華麗住家菜》。

葛民輝取笑蔡一傑行為似足蔡師奶，更指他主持《華麗住家菜》。

放大圖片
陳法拉大擺瑪麗蓮夢露式甫士，十分誘人。

陳法拉大擺瑪麗蓮夢露式甫士，十分誘人。

阿葛：華麗住家菜 放大圖片
鄭伊健和佘詩曼共舞時，蔡一傑在旁眼甘甘望實。

鄭伊健和佘詩曼共舞時，蔡一傑在旁眼甘甘望實。

傑仔見未能再摸「岩石胸」，即向其嘉賓阿葛撒嬌謂被眾人欺負，搞到阿葛也頂不順他的「姣勁」，並說：「你唔好咁，成個蔡師奶，你哋係乜節目《華麗住家菜》呀。」即時惹得哄堂大笑。之後伊健玩擺甫士遊戲顯得雞手鴨腳，雖然被傑仔指是「 chok王」，但伊健直認玩此遊戲難過開演唱會。阿佘被阿智介紹出場時稱為「 brother」，傑仔就反擊說：「你講乜，佢係你 bra帶？」事後伊健透露原本要到日本工作，但因地震關係而取消，他說：「我都好擔心日本啲朋友，都有叫佢哋嚟香港避吓，但佢哋話唔會離開，因為喺日本已過咗美麗人生，真係好感動。」

阿佘稱不識富二代

被傳即將離巢的阿佘近日又傳被蔡慧敏撬走北京富二代陳聰，前晚阿佘強調不認識陳聰，她說：「聽個名就唔識，可能有啲人見過唔記得個名，我記名好差，而且費事得罪人，唔想亂講。」她又強調與無綫的合約問題仍未詳談。採訪：楊潔雯　攝影：林德雄


擁有 42吋岩石胸的伊健慘被蔡一傑（左）抽水，即時用手護胸。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄