個 print好立體！(真實對白)
姚子羚有 3個︰繼啡色同桃紅色之後， TVB小花姚子羚最新嘅 Banane Bag就係呢個粉紫色。
博乜呀
$590窮虛榮　女星愛瘋山寨 Hermes
2011年03月02日
近年潮界掀起一股「致敬」風，其實即係山寨，只要有明星肯追捧，山寨貨都變致敬潮貨囉！
近排班中港台女星一窩蜂狂迷台牌 Banane Bag（嬌蕉包），自用送禮亦可，個個一收到即上微博晒新寵！所謂 Banane Bag，之唔係將大劉最愛囤積嘅 Hermes仿抄上帆布袋加新標籤，但只賣$590，只係原裝百分一，窮得虛榮，點會唔愛？
Banane Taipei係成立了近 5年的台灣本地品牌，去年愚人節推出仿 Hermes帆布袋 Banane Bag後，被台灣女子組合 S.H.E揹完即時爆紅，大、小 S、梁靜茹跟揹。
呢股山寨潮，去年尾傳到香港，台灣新抱應采兒送禮自用、商台 DJ雲妮大量團購後，熱潮席捲埋電視台。忠實 fans姚子羚就有 3個，最新紫色剛剛到手：「我第一個啡色嘅，係 fans送畀我，用完好鍾意就搵佢幫我訂埋其他兩個。我都見到胡定欣同楊秀惠都有用，因為夠晒大擺到好多嘢，真係好啱我哋拍戲同出去影相用。其實我有朋友最想訂係情人節鮮紅色限量版，不過一早斷貨！唔只 printing立體好靚，又可自己裝飾增加個人特色，我買咗好多絲帶，嚟緊會同我啲袋大變身！」


最愛的情人節鮮紅色限量版一早被搶晒，姚子羚話桃紅色一樣靚。
 
靚靚平貴都有
Box Cals leather birkin$78,000（ 30cm）
買得起 10萬、 8萬一個真 Hermes嘅袁靚靚，亦係山寨嬌蕉包 fans。《忽然 1周》圖片

共有多色 Banane Bag嘅靚靚，在微博拍埋真身同山寨貨一齊影，擺明話自己潮得起平玩山寨版，但真貨都買得起。


應采兒港星最早
嫁咗畀陳小春的台妹應采兒算係最早用 Banane Bag港星，每次去橫店開戲，都會帶畀同劇內地女星做手信。


1月生日嘅陳敏之，繼靚靚送袋，又有朋友送 Banane Bag做生日禮物。
 
靚靚搵台灣朋友代購 Banane Bag，有自用亦有送畀陳敏之，敏之即在微博晒貨。


 
杜汶澤諗縮數
搵商台 DJ雲妮代購的田蕊妮，新年期間拜年日日轉色，杜汶澤撐老婆話：「老婆不愛 Hermes是福分。」鬼咩！佢用正貨你想唔破產都幾難。

台灣幫 
梁靜茹跟
歌手梁靜茹去年收到 LV和 Banane Bag做聖誕禮物，睇個勢，鍾意山寨多啲喎。
 
S.H.E帶紅
S.H.E係台圈最早獲 Banane Bag贊助女星，一用爆紅，連大小 S、熊黛林亦跟風用。

給力致敬
Banane Bag話就話致敬，其實照搬原裝袋款，同馬車 logo，原創欠奉，百分百致敬。


其實用人哋 printing印上帆布袋，大袋內只有一個細電話袋，冇間隔， Banane Bag充其量都係環保袋而已。 
招牌改少少，照 dup原裝，仲用同款橙色，以假亂真度極高。

港台女星瘋狂追捧山寨愛馬仕 售價低窮虛榮

袁詠儀平貴都有
近年潮界掀起一股“致敬”風，其實即是山寨，只要有明星肯追捧，山寨貨都變致敬潮貨啰！

近期一班女星一窩蜂狂迷台牌Banane Bag(嬌蕉包)，自用送禮亦可，個個一收到即上微博曬新寵！所謂Banane Bag其實就是模仿Hermes的帆布袋加新標簽，但是只賣590，只是原裝百分之一，窮得虛榮，怎麽會不愛？

 

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stinglife 發表在 痞客邦 留言(0) 人氣()

    E-mail轉寄