陳奐仁女友身形嬌小，經常笑容滿臉，加上同樣熱衷音樂，相當登對。
為情定居香港
情人節（ 2月 14日）下午， Hanjin和女友由中環錄音室步行到 ifc，然後去了「 Juicy Couture」，讓女友揀情人節禮物。 Hanjin全程貼身侍候女友，女友試衫時，他一直在更衣室門外等候，無離開半步。試衫試了大半個鐘，女友仍未揀啱心水， Hanjin即在店內四圍搜括，並逐一問女友意見，非常貼心。經過連卡佛時，女友又睇中一對高踭鞋， Hanjin識做簽卡，然後再到日本餐廳撐枱腳。
冧稱女友 BB
由於 Hanjin最近愈來愈多幕前工作，出身公關的女友便為他洽談和編排工作，近月更一心一意助他的事業發展，辭掉酒店工作。周日，她就陪伴 Hanjin出席活動，跟出跟入如同貼身助手。記者問 Hanjin有關女友的事，他不停帶記者遊花園：「最近我有首歌叫〈光脫脫〉，希望天下情侶甜蜜溫馨。（係咪憑歌寄意送俾女友？）你聽吓首歌就知。（女友辭埋份工幫你係咪好感動？）我呢，發覺呢幾年開心咗好多，林夕講得好啱，其實快樂係好簡單。（係咪視對方為結婚對象？）隨緣啦，你睇見我依家咁開心就知啦。」雖然他沒有正面回應，但就冧爆向記者表示以「 BB」稱呼女友。
當日在場的 Prima，口雖不承認是 Hanjin女友，卻不其然爆了句：「我哋係好 close嘅，最近咁啱 quit咗份工有時間去幫佢﹗」講到 Hanjin作情歌俾佢， Prima即冧笑：「佢係好 sweet﹗哎呀，其他嘢你問番佢啦﹗」婚期應該不遠矣！
拍住 Sammi搵食
陳奐仁（ Hanjin）新加坡音樂人，現年 35歲，作曲、填詞、編曲、唱片監製、唱歌瓣瓣掂，作品超過一百首。陳近年活躍於香港樂壇， 99年還在求學階段已首次作曲，為歌神張學友創作了〈和好不如初〉，一度成為學友的御用填詞人。 01年首次任唱片監製，一手包辦陳奕迅的國語大碟《愛是懷疑》，又為鄭秀文、陳冠希等作曲及監製，現成為香港樂壇炙手可熱的音樂人。
Hanjin不僅是音樂人，更是唱得之人。 09年鄭秀文 Love Mi演唱會他晚晚擔任嘉賓，更跟住 Sammi巡迴演唱，去年中又跟 Mc Jin一起推出唱片《買一送一》。去年他再走近幕前，為無綫《超級巨聲 2》擔任評判。憑親切笑容及循循善誘的評語，曝光率颷升。
今年初他又為詹瑞文棟篤笑《踢館》製作主題曲及擔任表演嘉賓，剛剛又憑《李小龍》提名金像獎「最佳新演員」。今年勁歌總選「金曲金獎」〈男人信什麼〉就是他的作品，更攞走埋「唱作歌手金獎」。走勻歌影視，人氣急升。
留言列表
{{ article.title }}
