圈中模範夫婦王敏德和馬詩慧甚少負面新聞，但早前本刊突然收到 fax，聲稱馬×勇於 09年向鄧×明借萬 5蚊，寫埋欠單簽埋名，附件更寫明該名男子是王敏德外父即馬詩慧父親，似乎有人存心玩嘢。
「我由阿婆湊大」
上週四（ 24日）本刊帶埋此爆料密信向馬詩慧查證，馬詩慧皺晒眉頭話：「阿媽話喺我兩歲嗰陣佢（馬父）已經唔喺度（過身）。佢同媽咪嘅關係其實我都唔清楚。我由婆婆湊大，對阿爸印象模糊，我阿爸亦唔係叫呢個名。」記者再問：「咁你爸爸叫乜名？」馬詩慧搖搖頭：「太耐喇……我同王敏德係公眾人物，要整蠱我哋好容易，但我爸爸過咗身咁耐都有人用佢嘅名義咁做，點都會有啲唔開心啦！」
關於父親的一切，亦只從母親口中獲知，但實情 44歲馬詩慧同馬母關係亦只屬一般：「我喺婆婆度住好少見到媽咪，每次聽佢電話都怕俾佢鬧，覺得佢惡得嚟好嚴肅，直到我有小朋友先 close番啲，媽咪都單身過咗咁多年啦，我唔會亦無需 find out個事實！」
女家唔見影
馬詩慧跟王敏德於 92年在港結婚時，王敏德父母及兄長羅素均有出席婚禮，惟馬的父母卻未有出現在大合照。
左起：大女王曼喜 18歲、細女王麗嘉 15歲、細仔王躍穎 12歲（《壹週刊》圖片）
馬詩慧婚後育有兩女一子，大女王曼喜畢業於名校瑪利曼，現已赴美國洛杉磯讀大學，而細女王麗喜亦於瑪利曼讀緊中五，馬更表示希望現年 12歲的細仔王躍穎今年 9月能直升九龍華仁中學。
馬詩慧兩女早前擺咗啲泳衣相去自己 facebook分享，後來雜誌刊登後，馬詩慧即命女兒以後不能再放泳衣照於 facebook，可見馬詩慧係嚴母一名。
親情債還唔晒
藝人表面風光，但查實發生欠債唔還遭人公開追數常有發生，部分如司徒瑞祈之流因爛賭借錢與人無尤，但亦有很多藝人是因親人唔生性而孭上巨額債項，親情債好難計得清！
蔡少芬 代母還千萬
2000年蔡少芬親自開記招，自爆出道 9年以來，耗盡所有積蓄代母還過千萬賭債，由於 Ada自覺無力再代母償還巨債，決定與母親斷絕關係，劃清界線。
張學智
93年張學友兄長張學智於澳門豪賭欠下貴利數無力償還，債主轉向當時已走紅的張學友追債，當年學友曾表示已為兄長還了 600萬，更表示兩人沒再聯絡。
梅啟明
梅艷芳 孭兄百萬數
98年，梅艷芳和兄長梅啟明一齊經營狗場生意，但其後因生意欠佳而執笠，兩人反目，事後有傳留低百多萬債項由阿梅獨力承擔，自梅姐去世後，梅兄又跟梅媽一齊力爭梅姐遺產擁有權。
留言列表
{{ article.title }}
