夾胸
GiGi為做好今次個唱，特登造咗批新歌衫凸顯佢身材，點知其中一件鏡面裙百密一疏，唱〈嫌棄〉時露出缽仔糕。
半賣半送
神秘劈價電郵嘥氣　梁詠琪 4折飛半場空櫈
2011年03月02日
不自量力，幾時都係肉酸。梁詠琪七年冇開演唱會，諗住開兩場冇問題，可惜人氣差銷情慘淡。上週六（ 26日）本刊收到匿名電郵，可以半價$240買到 GiGi個唱原價$480嘅貴飛，$280嘅山腰位更劈價至 4折，$110有交易。明知滯銷， GiGi頭場醒目搵鄭秀文做嘉賓救亡，可惜仍有半場空櫈，點樣賤價散飛都嘥氣啦！
34歲梁詠琪近年少喺香港樂壇出現，上週喺紅館舉行兩場演唱會，撞正舊愛鄭伊健亦差不多時間開個唱， GiGi原本坐定粒六，點知銷情慘淡。 
中女失修
GiGi演唱會有唔少造型，不過 34歲扮 cutie就差少少，笑起嚟雙眼起晒魚眉紋。
 
露缽仔
 
Sammi撐場
梁詠琪事前已透露頭場嘉賓有鄭秀文，點知就算 Sammi幫手，都無助銷情。
 
現瑒售票處所見， GiGi兩場 4個價錢都有大量空位。
 
多位任坐
開騷後 15分鐘，燈已經全熄，但係入場觀眾寥寥可數，山頂空櫈居多。即係話就算買咗山頂位都可以揀靚位嚟坐。
 
任職美國駐香港領事館嘅 GiGi老外男友 Matthew，睇足兩晚，仲坐喺 GiGi好姊妹楊采妮、李心潔附近。

銷情拍住肥媽
銷情告急， GiGi亦出盡法寶，落力宣傳，開騷前一星期更上無綫拍特輯《高妹 G夜》，仲預告請到鄭秀文、任賢齊做嘉賓，諗住借 Sammi人氣幫手去飛，可惜事與願違。上週五本刊收到一神秘電郵，內容主要係話可以用一半價錢買到 GiGi最貴 480蚊門票，更話可以$480買到兩張連位門票，變相買一送一。而原本$280山腰位，更以賤價 4折$110求售，同一電郵，亦可以半價購買老餅團包括肥媽、劉鳳屏等個唱。估唔到 GiGi個唱滯銷，搞到與甘草同 grade。
買一送一
電郵指尾場嘉賓係劉德華，同事實嘅任賢齊有出入。對此 GiGi經理人 Jackie話：「冇諗過搵劉華做嘉賓，一直都落實係 Sammi同任賢齊，你哋可以搵耀榮嗰邊問吓。」但華仔助手 Ronald就話：「 GiGi嗰邊有問過華仔，可惜佢冇期。」
神秘散飛電郵除半價買 GiGi演唱會，亦可以半價買黑妹、肥媽嘅星光燦爛女人情懷 2011，咁啱兩個騷係 GiGi經理人公司美亞都有份主辦。
5成入座
半價睇梁詠琪，依然乏人問津。週日（ 28日）尾場喺紅館門外仍有黃牛黨散貨，而開騷後 15分鐘，依然一半空櫈。 GiGi對住 5成觀眾，依然賣力打鼓又跳舞。雖然入座率低，不過 GiGi都 encore到 11點 15分，夠晒誠意！

梁詠琪開唱半數空座位 神秘電郵4折賤價甩賣

梁詠琪開唱
梁詠琪七年沒開演唱會，滿以爲開兩場沒問題，可惜人氣差銷情慘淡。上周六記者收到匿名電郵，可以半價240元買到GiGi個唱原價480元的貴價票，280元的山腰位更劈價至4折，110元就有交易。

明知滯銷，梁詠琪第一場醒目找鄭秀文做嘉賓救亡，可惜仍有半場空凳，怎麽賤價甩賣都是徒勞。

 

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄