娛樂八掛大放送★

「邦民女」陳嘉寶（ Anjaylia）近年工作量不斷上升，為方便出入， Anjaylia決定考車牌，日前學滿 30多個鐘的她在何文田考路試，怎料轉彎時不慎錯手鏟上行人路邊，結果考試「肥佬」收場。 Anjaylia事後謂可能一直只在夜間學車，結果日間在路上行車未能適應致出錯。

其他娛樂名人影片

陳嘉寶目前雖然仍在求學，但她未有放棄模特兒工作，故此每日時間表均排得相當緊密，早前她的起心肝考車牌，學滿 30多個鐘後，日前正式到何文田考路試。當天下午她準時到考試中心，考牌官未出現前，她坐在車內不時飲水，表現緊張。

放大圖片

陳嘉寶考路試時表現緊張，泊車及轉彎都有點手忙腳亂。

放大圖片

Anjaylia考完路試甫落車即做出自刎動作，示意自己「肥佬」。

泊位試合格 放大圖片

陳嘉寶雖考牌失敗，但前晚仍與陽光妹何思諺（左）和 A.Lin（右）相約到九展睇騷。

正式考試時， Anjaylia先考泊位，表現得雞手鴨腳下的她，總算順利將車停泊在格內合格過關。之後 Anjaylia正式出路面考路試，約 10分鐘後駕着車返回考試中心，只見她甫落車即擰頭，又向經理人做出自刎動作及扁扁嘴，示意「肥佬」不合格。接受訪問時， Anjaylia一臉失望地說：「其實其他都合格，但出街時一個轉彎唔小心鏟咗上少少行人路邊，考牌官話唔可以 pass，咁就肥咗喇。」

心情墮谷底

已知自己不合格的 Anjaylia，苦笑謂不想入考試中心取回成績單，又心急地詢問可否馬上重考，還聲稱若有機會立即再考，有信心必定可以過關，得知最快也要等一星期及路試未必重考同一路段時，即表現失望。Anjaylia說：「其實我揸車係冇乜天份，加上學車以嚟都係夜晚，今次係第一次朝早揸車，可能唔適應先肥佬，唔知可唔可以夜晚考呢？」雖然她自稱不是太失望，但又表示曾有一刻心情跌至谷底，似乎考牌「肥佬」的確令她情緒受影響。採訪：魯萍攝影：黃文偉


邦民女 Anjaylia日前考車牌，可惜最終「肥佬」，難怪拿起成績單即嘴扁扁。