難相處　樊少皇娶硬　JJ：唔想見佢啲仔女


唔想做人後底乸呀！（設計對白）
上週日（ 9日） JJ賈曉晨在清水灣與袁偉豪拍攝新劇《好心作怪》一場結婚戲，穿 着婚紗的 JJ戲裏演得投入，戲外談笑風生，看來與樊少皇的感情非常甜蜜。

真面目

難相處　樊少皇娶硬　 JJ：唔想見佢啲仔女


樊少皇 8月被踢爆搭上細 10年的賈曉晨（ JJ）後，隨即遭揭露與前女友育有一仔一女，更被指有杭州女友， JJ慘由小三變小四。揹上拋妻棄子之名的樊，發聲明力撐 JJ唔係小三，據知他承諾一定娶 JJ為妻。
而恨嫁恨到發燒的 JJ雖然包容到男友，但她並冇愛屋及烏，對本刊斬釘截鐵話要同樊少皇仔女劃清界線：「關我乜事？唔想見佢 啲仔女！」


樊少皇早前發聲明澄清，與舊愛陳少霞已分手 4年，力證 JJ並非小三。《忽然 1周》圖片

自從樊少皇發聲明向女友賈曉晨（ JJ）大派定心丸，又喺電視公開示愛話：「我……愛係堅定，我哋會繼續走落去！」苦情 JJ終於重拾笑容，兩人更日日用微信及電話談情，令剛踏入 30歲的 JJ堅信這段情能夠開花結果。據 JJ友人指：「好多報道都係阿霞（樊少皇前女友）爆 嘅，樊少皇仲同佢講有好多係老作添，目的係想拆散佢哋，但估唔到 JJ咁堅持，反而愛樊少皇多 咗。」 

繼續供養


《壹週刊》圖片

樊少皇一對仔女現時跟媽媽陳少霞住，但作為生父的樊，每月亦會畀生活費前女友，陳少霞安排不少課外活動給他們參加。 

30恨嫁




一向想結婚生仔的 JJ，拍完劇不忘攬住演花女的小演員，舉起勝利手勢表示奪得如意郎君。 

禁來港見面


據知樊少皇更已承諾娶 JJ過門，「 JJ好相信樊少皇唔會再同前女友阿霞一齊，樊少皇仲話一定會娶 JJ，叫佢唔使擔心；不過 JJ係好黐身 嘅女仔，家同男友分隔兩地令佢好唔慣，好想樊少皇多 啲 嚟香港陪佢。」
原本上月尾樊少皇打算來港與 JJ一聚，可惜戀情被踢爆，樊少皇經理人即勒令不准他來港，免得事件影響他聲譽，令 JJ自 7月尾北上會樊少皇後，已個多月沒有見面。

母親解愁




JJ媽媽專程由山東來港照顧女兒，聲言好擔心女兒被樊少皇呃，但經 JJ解釋後已安心好多。 

大陸掘金




樊少皇（前左一）現時在內地拍攝《盛夏晚晴天》，又忙於為新啟播的《新白髮魔女傳》宣傳，被經理人制止來港探 JJ。 




JJ與前男友沈震軒拍拖期間發現對方有小三，才怒飛對方，被指是樊少皇小三更令她精神困擾，日日以淚洗面。 

「有諗過結婚」


賈曉晨 03年來港加入阿叻旗下的 Snazz，唱歌兼拍無 綫劇，多年來公司都反對她拍拖，但紙包唔住火， JJ先後傳出與沈震軒和樊少皇的緋聞。

日前 JJ在清水灣拍攝新劇《好心作怪》一場結婚戲，穿 着婚紗的 JJ不時同工作人員有講有笑。她事後接受本刊訪問時話：「我工作上 着過好多次婚紗，今次感覺係有少少唔同咁啦！（樊少皇話會娶你喎？）呀，都有諗過 嘅！但家仲早，拍 咗兩個月拖之嘛。」
說到樊少皇仍要供養阿霞同一對仔女， JJ就好大方：「佢係個盡責任 嘅男人，呢 啲 嘢我一定包容。」但提到結婚後 JJ要做一對小朋友的後母， JJ就好苦惱：「其實關我乜事？都未見過，唔想見佢 啲仔女！現代人好多都係咁樣，人 哋處理得好咪得囉，我對住佢一個人就夠 㗎喇！」睇 嚟 JJ好快會做人妻啦！ 

後母好易做


圈中有不少女星曾為人後母，婚後唔只生活愉快，同非自己所出的小朋友更關係良好， JJ唔使擔心咁多啦。

林青霞


《忽然 1周》圖片

林青霞 94年嫁富商邢李源，當時邢李源已跟前妻張天愛生了女兒邢嘉倩，林青霞與邢嘉倩關係甚好，邢嘉倩甚至鼓勵幾乎絕跡公開場合的青霞出席活動，找寫作靈感。 

葉蒨文


《忽然 1周》圖片

葉蒨文 97年與林子祥結婚，林子祥與元配所生的林德信最近進軍娛樂圈。兩人關係亦愈來愈好，葉倩文即將舉行演唱會，林德信坦言希望能上台同對方合唱。 

羅慧娟


《蘋果日報》圖片

羅慧娟患胰臟癌今年 6月去世，丈夫劉志敏與前妻生有兩名兒子，而娟妹跟兩名繼子感情要好，細仔劉鎮榮更為了替患病的娟妹沖喜，提早於今年 3月結婚，娟妹又把遺產留給繼子。
arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄