新紮花旦岑麗香遇上今屆視后胡杏兒，前者初拍劇集已深得網民喜愛，後者一直被網民譏笑叫胡囧，早前更因撐民建聯姐夫又被網民圍插，真係同人唔同命囉！網上圖片
真面目
原始胸器 岑麗香木瓜汁谷木瓜胸
由兩大阿姐汪明荃、黃淑儀孭飛的《巴不得媽媽》，劇集播出至今焦點反而落入飾演「香香公主」的岑麗香（ Eliza）身上。香香喺劇中肯搏敢露，三點式淋水激凸透 bra，幾乎集集有驚喜，火速成為高登新女神，人氣直迫另一華姐苟芸慧。
首次孭重飛就極速上位的音音，勝在外形甜美討好，就算咬字唔正， 33C的豐滿身材經已迷死網民。上位女神向本刊分享獨門養胸術：「我平日食好多生果，尤其木瓜！」
護胸護膚
D.I.Y. Mask
海帶、蜂蜜、蘆薈
（保濕、滋潤、美白）
Morning Juice
木瓜、 6粒士多啤梨、蜂蜜
（豐胸、燒脂、美白）
人緣好
女人之間通常存有「妒忌」二字，香香（中）貴為新女神，拍《衝 2》期間與同劇的空姐們相處融洽，後面仲有過氣緋聞男友羅仲謙，睇嚟香香絕對冇呢方面問題。網上圖片
杏兒不敵
32.5B的杏兒，面對身材及年紀都勝過自己的後輩，影大半身合照時，自知不如人的杏兒，都係笠番件衫穩陣啲！網上圖片
2010年國際中華小姐冠軍出身、現年 27歲的岑麗香（ Eliza），父母為越南華僑，自細在加拿大溫哥華長大的她，參選前已擁有加拿大昆倫理工大學的時裝設計學士、市場管理學士及人力資源學士的文憑，絕對美貌與智慧並重！
集集出位
TVB難得放大尺度，喺《巴不得媽媽》中，以岑麗香多番性感誘惑鏡頭，獲網民盛讚追捧，愈來愈受歡迎。
第 1集 cap圖女王
香香因墮海而搞到濕身透 bra，呢一幕一出旋即成各大討論區 cap圖目標。
第 9集沖涼裸背
第 9集講述香香喺沖涼時暈倒浴室，更被錢嘉樂拍下裸照，背裸一幕搏到盡。
第 11集除 bra胸頂
講述錢嘉樂跌傷手脫骱，岑麗香即時除 bra幫他包紮，鏡頭更特寫她胸頂錢嘉樂手踭。
第 14集噴血濕身
其中一幕香香着上泳衣谷胸誘惑，更用水濕身，一眾網民大呼噴血。
「唔想着白 tee」
曾留學日本的香香，於 11年 9月孖唐詩詠到日本關西拍旅遊特輯，其中一幕浸溫泉，當時亦成宅男們狂 cap圖。
竹昇妹岑麗香廣東話麻麻，但傻氣的「香香公主」一角，憑甜美外形及可愛演繹夠搏唔錫身，以濕身白 tee、浴室裸背以及真空胸壓錢嘉樂等多次香艷出位，受宅男歡迎。香香話：「好開心觀眾鍾意呢個角色，其實開拍初期我都好抗拒要 sexy，唔想 show body，但了解劇情有需要，加上每次都打晒底，好安全，所以都冇嘢。裸背嗰次，其實某啲地方都係後期 PS加工，我唔使太性感，不過白 tee嗰次係因為要連戲先頂硬上，希望下次唔使再着白 tee透 bra咁 sexy啦！」
天然秘方
擁 33C迫爆上圍，兼夾皮膚滑溜的香香，自言一切屬家族遺傳，身材樣貌皆似媽咪。
「其實我唔覺得自己身材有乜特別，算係勻稱囉，我都好多謝大家咁讚我，我諗係家族遺傳，我媽咪嘅身材好好，自細佢有教我要食得健康，多食水果如火龍果及木瓜就食最多，而我每日都會自製蔬果。我好著重排毒及淨腸，我自己都會自製餐單，可能我嘅秘方有用啩！」淨係食生果咁健康都可以好身材，恨死一班港女呀！
遺傳包包臉
香香話佢成家都屬包包臉一族，佢好努力先可減走包包臉，睇番佢早幾年，除咗塊面有啲 baby fat外，其他都冇乜點變，想話佢整容都難呀！
’09
’10
10年香香選華姐時走唔甩要三點式泳衣上陣，當年 25歲參選的她身形未及現時 fit。
上位華姐幫
近年上位的花旦，以華姐出身的居多，而可能一班華姐鬼妹仔性格，行性感都 easy啲，個格又冇咁港女，較易得網民心，捧為女神。
苟芸慧
09年華姐冠軍、樣子甜美加 34C身材，在《怒火街頭 2》的背心迫爆跑步，引死唔少電車男。
張慧雯
與岑麗香同屆華姐得季軍，憑 35D巨乳，被錢國偉 中成神獸天使之一，其後更於《 On Call 36小時》成第三女角。
朱璇
留言列表
{{ article.title }}
