娛樂八掛大放送★

當街激吻
（左）印度製衣太子 Jason
今年 3月， Rosemary與中印混血男友 Jason到中環酒吧消遣，兩人行出酒吧外煲煙時如同連體嬰，情到濃時啜個不停。 Rosemary被捕後他亦陪伴左右，不離不棄。《蘋果日報》圖片"
娛樂頂點
被捕後不離不棄　 Rosemary等嫁中印有米男友
2010年09月17日
28歲的名模 Rosemary上周在美國涉嫌藏毒及撞車後不顧而去，兩度被美國警方拘捕，保釋後已靜悄悄返港。 Rosemary被扣上「孖葉」的犯人照被公開後，更令她心情跌落谷底唔想見人，鐵定缺席本周四設計師好友鄧達智及何國征舉行的花生騷，又取消記者會。有傳她會先返法國避靜，再於下月 19日到美國應訊。
Rosemary出事，昔日好姊妹 Ana R.與 Lisa S.即時劃清界線，好彩有母親 Julie同鄧達智力撐。而出事至今仍陪伴左右的中印混血男友 Jason更對 Rosemary不離不棄。原來 Jason家族有米，在印度開製衣廠，兩人拍拖一年多已互見家長。在 Rosemary未出事前， Jason已視女友為結婚對象，就算 Rosemary形象受損冇得撈，仲可以嫁入豪門做少奶奶。
中法俄混血名模 Rosemary向來形象健康，只是間中被拍到與男友當街親熱，戀愛大過天的她早年更因沉迷拍拖而與母親反目。 Rosemary 06年與 DJ　 Gordon分手後，便與美籍男模 Christopher相戀，兩人經過多次離合最終分手。去年 7月 Rosemary戀上現任中印混血男友 Jason， 9月初兩人更同赴美國慶祝 Rosemary 28歲生日，點知就在生日之旅闖下彌天大禍。

含淚犯人照
9月 5日 Rosemary在美國參加燒人祭派對時涉嫌藏毒，被捕後帶返警署落口供兼拍下犯人照。照片中 Rosemary被鎖上手銬，眼有淚光，似乎剛剛喊完。

 
匿藏渣甸山
有指 Rosemary連日在母親 Julie位於渣甸山的獨立屋避世。

父母鬧離婚
Rosemary出事後從美國返回香港，即傳出其父母為離婚而對簿公堂。其父正入稟向其母追討一筆一千一百多萬款項，又要求其母出售渣甸山獨立屋，然後五五平分，令 Rosemary傷上加傷。

男友陪掃貨
與 Rosemary以前嘅男友相比， Jason雖然冇咁靚仔，但為人細心，不時影到 Jason陪 Rosemary行街 shopping，甚至幫女友揀護膚品。

好友講多咗
Rosemary被恩師鄧達智踢爆二人曾有共識，認為這次出事「 It's no big deal！」事後 Rosemary力斥對方言論唔正確，而鄧達智亦唔敢再代 Rosemary發言。《壹週刊》圖片

最後一次露面
Rosemary出事前最後一次公開露面，是出席 8月 25日的香水發布會，同場嘉賓還有周美鳳、馬詩慧及貝安琪。

先藏毒再撞車
9月 5日 Rosemary與男友在美國內華達州參加燒人祭派對時涉嫌藏有搖頭丸被捕， Rosemary在口供紙中承認在會場獲得毒品，最後准以 11萬多港元保釋外出， 10月 19日再到當地應訊。藏毒被捕後翌日， Rosemary因在雷諾市撞車不顧而去而再被警方拘捕， Rosemary再被拍下犯人照，之後以 9千多港元保釋， 10月 29日再應訊。
據知出事時 Rosemary男友 Jason亦在場， Rosemary在警局內落口供時只管喪喊， Jason亦全程陪伴。知情人士透露：「 Rosemary出事後 Jason都好自責，見到女友喊到對眼腫晒都不停安慰佢，話會幫佢搵個好律師，最後仲出錢保釋 Rosemary，再安排機票飛返香港。 Jason處事好冷靜，事後佢仲幫 Rosemary接電話，驚佢講錯嘢。」
專溝混血男

鬼模 ChristopherRosemary與美籍混血男模 Christopher拍拖 3年，兩人經常結伴夜蒲及參加派對，惜離合多次後最終分手。

DJ GordonRosemary早年與母親反面，搬去同男友 DJ Gordon同居。日前 Gordon在周刊爆料話：「我同佢一齊時，好多人俾毒品佢。我同佢講有好多朋友因毒品過身，如果佢吸毒，就唔好同我一齊。」兩人拍拖 5年後分手。《壹週刊》圖片

雙方早已見家長
知情人士更大爆 Jason原來甚有家底，「 Jason屋企喺印度係做製衣生意，專做歐洲名牌 BB衫，家族身家過億，喺印度算係好勁。身為太子爺嘅 Jason要幫手打理生意，經常香港印度兩邊飛，係家族生意嘅繼承人。佢同 Rosemary雖然拍咗一年多，但感情已經好穩定，雙方一早已經見晒家長， Jason父母都好鍾意 Rosemary，而 Jason仲視女友為結婚對象，就算 Rosemary出事後都冇變過。」
有米男友患難見真情， Rosemary返港後即時返回母親 Julie位於渣甸山的獨立屋，至本周三（ 15日）都未露面。 Rosemary出事後外界紛紛指責其母 Julie早年對女兒管束太過嚴厲，導致 Rosemary反叛出事，但其實母女早於去年已經和好。據知情人士透露：「以前 Julie管個女，都係驚佢遇人不淑俾人呃，所以以前佢會 keep住 Rosemary嘅出騷收入，令個女更反感。早幾年 Rosemary同母親反目，搬走自住。到咗去年 Julie患病信主，佢覺得仔女對佢好重要，於是主動同 Rosemary修好，之後兩母女仲試過一齊返教會。 3個月前 Rosemary正式搬返去同阿媽住，阿媽仲將一直保管嘅幾十萬俾返個女。」
母親 Julie：因禍得福
上周六（ 11日），記者致電 Julie，對於 Rosemary涉嫌藏毒被捕一事，她堅拒透露案情，卻坦言與 Rosemary的關係比以前更好，「呢次可以話係因禍得福，完全修復晒我哋母女間嘅關係。」記者問 Julie是否見過 Jason，她直認：「係。（覺得佢點？）佢雖然有家底，但個人好有事業心，最重要係好錫我個女。（ Jason視你個女為結婚對象。）我唔方便講。」
爆名模吸毒癖好 
好姊妹劃清界線

Rosemary出事後，圈中名模人人自危。其實好多形象健康嘅名模都係毒后，而且 high完嘢都相當狂放，令人側目！

Rosemary與多位混血名模非常老友，不過自她出事後， Ana R.（左三）與 Lisa S.（左四）都同佢劃清界線。其實圈中很多名模都是毒后，單看斯文外表不易察覺。
變幻球同老公遊艇狂隊

變幻球

近年甚少接 job嘅「變幻球」，未同「亂咁噏」結婚前都係蒲精一名，仲成日黐住「豪放 R」一齊去蒲有料 party，每次 high完嘢見人就錫，好鬼癲。不過佢嫁咗人身份唔同晒，老公唔准佢喺公眾場合玩，所以平時兩公婆會匿喺屋企索 K隊草，再唔係就靜雞雞上私家遊艇出海 high到夠。「變幻球」表面形象健康，真係呃到人 o架！
人妻警察查牌沖毒入廁

人妻

「人妻」多年來都係「豪放 R」嘅戰友，不過近年兩姊妹為錢反目。「人妻」同老公「高大威」拍拖初期為投其所好，成日跟去老蘭 take嘢。有次成班人去 Dragon i玩，「高大威」將成萬蚊嘅草交俾「人妻」保管。點知玩咗冇耐有警察例行查牌，「人妻」驚到鼻哥窿冇肉，即時入廁所將包草沖入馬桶，點知沖完班警察已經查完牌走晒。「高大威」即時發火鬧佢死蠢，搞到成班 friend全晚齋飲酒冇得 high。
大眼妹孖台星開毒 P

大眼妹

「大眼妹」早幾年同台星「粗眉仔」行埋，拍拖初期佢仲唔理形象通街連體齊齊扯煙。佢哋最大嘅拍拖節目就係喺台灣開毒 P，因為「粗眉仔」班台星 friend全部都係同道中人，仲有途徑攞到好貨。所以佢哋除咗索 K隊草，仲食唔同丸仔，好似食 buffet咁。食到 high high哋，成班人就會跳脫衣舞，男男女女攬埋一嚿好淫亂。後來「大眼妹」同「粗眉仔」甩拖先至冇再 take嘢。
淫娃 D富豪毒品派對亂性

淫娃 D

曾經同「落難富豪」一啜成名嘅「淫娃 D」雖然已經從良，但原來佢曾經埋富豪堆喪玩。「落難富豪」以前經常到位於灣仔嘅 Service Apartment私竇開毒品自助餐，仲宴請一班富豪同「淫娃 D」齊齊 happy。「淫娃 D」出名愈迷幻就愈開放，「落難富豪」就係睇中佢呢點，每次導完佢升仙就搞嘢。不過最離譜就係佢自己搞完，仲會益其他富豪。而「淫娃 D」次次 high到咩都唔知，甚至試過俾班富豪輪住上，毒品派對最後變成淫亂派對。
瘦骨仙接騷流鼻涕

瘦骨仙

「瘦骨仙」幾年前同生意人「名模殺手」拍拖時，經常可以食高級貨。不過自從同「名模殺手」甩拖之後，「瘦骨仙」唔單止冇咗大靠山，就連平時食開嘅高純度毒品亦冇人供應，之後變得雜食，搞到自己不似人形。而曾經同「瘦骨仙」行騷嘅 model亦經常見佢喺後台呆呆滯滯，連自己流鼻涕都唔知，真係睇見眼冤。
豪放 R蘇梅島喪隊

豪放 R

留喺香港隊嘢雖然方面就腳，但始終都玩得唔過癮，所以「豪放 R」就曾經同「男友 C」搵埋「瘦骨仙」同「人妻」去泰國蘇梅島參加 Full Moon Party（月圓派對），狂隊毒品。因為派對喺外島舉行，第二朝先會有船接走， high大咗嘅「豪放 R」仲公然同男友喺沙灘打野戰，真係要幾喪有幾喪。