兩后一王　鄉音妹大戰　劉心悠踢狐趕苟芸慧


Chilam同劉心悠咀咗幾 take先收貨， Chilam話估唔到對方咁放，「佢拍嗰陣冇避忌，大家合作得好舒服！」

真面目

兩后一王　鄉音妹大戰　劉心悠踢狐趕苟芸慧


經常中港台三邊飛的劉心悠，上年拍完《步步驚心》後爆紅，除了打開埋內地市場，連香港的廣告同騷價都直線上升。
賺錢賺到手軟，心悠在下月上畫的新戲《天生愛情狂》中，演一個超 cher女護士，無時無刻都想 check住男友張智霖，連困都要啜爆對方；反而做 Chilam前度的苟芸慧斯文大方，搞到 Chilam貪舊厭新，成日諗起苟姑娘，新舊女神俾佢咀晒。
咁 啱劉心悠同苟芸慧都係加拿大長大滿口鄉音，又先後同鄭嘉穎傳過緋聞，要佢哋各自出招爭仔，肯定好有火花！

真人真事，以早前發生的女護士騷擾男友案而改編的《天生愛情狂》，講劉心悠飾演極度缺乏安全感的女護士，每日用盡唔同方法黐實男友張智霖，要佢 24小時 on call，連放工要幾耐返到屋企都要管，絕非一般港女。


姣電 Chilam


飾演整餅師傅嘅 Chilam，經常喺餅房諗起同前度苟芸慧嘅 sweet片段。


Chilam同心悠困，兩人以為自己會死，決定互咀定驚。


苟姑娘喺街撞見 Chilam同心悠，主動去醫院搵對方和平對話，但心悠依然睥到行，醋爆！

野蠻女友


索護士
31歲劉心悠 keep得好，着起護士裝玩制服誘惑仍然夠殺！

要做惡死港女又要硬撼苟姑娘，劉心悠話今次係大挑戰。「我本身對愛情好理性，同戲中主角 嘅性格好唔同。嗰場咀戲拍 咗成晚，因為部太細，又要擺 cam又要度位，我同 Chilam都想快 啲拍完收工，一 啲浪漫感覺都冇！」
而首次同心悠合作的導演葉念琛，原來專登揀斯斯文文 嘅心悠做野蠻女友，「我度劇本時已經決定搵心悠做女主角，佢 嘅好感度好高、好有觀眾緣，我問過身邊大部分男性朋友，佢哋都好鍾意睇劉心悠！而佢今次做一個好 cher好真 嘅女朋友，同佢之前柔弱 嘅感覺好唔同！將來都想繼續合作， o依家手上都有 啲 project諗緊！」 

狂呻少戲拍


恨拍無綫劇嘅劉心悠，表明唔會搵志偉搭路，不過心悠同鄭嘉穎咁熟，叫佢向樂小姐講幾句咪得囉！《蘋果日報》圖片

05年憑電影《阿嫂》彈起的劉心悠，出道多年一直簽約王海峰的星皓，但據知心悠的經理人合約已於上年 11月到期，當時心悠自動續約 1年，但今年決定唔再留低，更同朋友呻公司機會唔多。「心悠同星皓合作 咗咁多年，雖然佢同同事合作得好開心，但公司近年唔多開戲畀佢拍，對上一套《魚狗》已經係兩年前，近期拍嘅《浮城》同《天生愛情狂》都唔係公司開嘅，加上星皓有份投資嗰套大製作《大鬧天宮》，咁多角色都冇預心悠一份，佢都做到心灰意冷，講到明走硬！ o依家有幾間娛樂公司都想簽佢，但佢打算休息一排先再諗。」知情人士透露。
有氣質有演技， 31歲劉心悠唔愁冇人要喎！ 

新任琛女郎


葉念琛每年都會自編自導一齣電影，由 06年的《獨家試愛》開始，葉導連續多年起用愛將 Stephy，直到 10年先轉型搵 Chrissie，上年就用視后佘詩曼擔大旗。琛女郎換唔停，如果心悠泊到葉念琛碼頭，有望學 Stephy連 冧幾套女主角！


有份投資《天生愛情狂》嘅蕭定一（小圖），週日（ 16日）喺北京舉行公司酒會，劉心悠、 Chilam同葉念琛專程飛去撐場。




票房 1,200萬
葉念琛打響名堂嘅愛情三部曲，全由 Stephy孭飛，三部戲票房理想，但拍完最終章《我的最愛》後，決定停用 Stephy保持新鮮感。


票房 800萬
唔要玉女 Stephy，葉導轉向肉女 Chrissie埋手，娜姐喺《婚前試愛》同羅仲謙、萬寧哥哥激戰連場，唔再純愛。


票房 780萬
佘詩曼喺《人約離婚後》同方力申做夫妻，又同羅仲謙玩車震，埋單收 7百幾萬。

靠自己


《蘋果日報》圖片

劉心悠決定唔續約星皓，除 咗因為嬲老闆王海峰（右圖）開戲唔預佢，亦因為公司近年將資源集中在羅仲謙身上。雖然貴為星皓一姐，但據知無論係廣告定商業活動，心悠好多時要親自同品牌接洽。靠自己多過靠公司，又難怪做到灰晒！ 




連續 6年做 dermes激光代言人，劉心悠今年同謝婷婷、薛凱琪一齊脫！


形象健康嘅心悠，不時被不同品牌邀請行騷，單在 8月已有 3 job，賺到笑。
arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄