娛樂八掛大放送★

【黃浩風暴】疑有人持錄影帶圖勒索　陳奕迅報警
2012-12-07 15:14:38

今日陳奕迅、徐濠縈兩夫婦，陳奕迅經理人陳家瑛及代表律師，下午往報業評議會秘書處，就有關近日「不正確」報道作出投訴，並指有人騷擾其女兒康堤。之後兩人即舉行記者會，代表律師發言表示，已採取下列行動﹕

1.就不實報道，已發出律師信。
2.向香港報業評議會作出投訴。

另，陳奕迅稍後將到上海工作，而陳家瑛會聯同代表律師，到灣仔警署，就以下兩項事宜報警求助﹕

1.懷疑有食肆企圖濫收費用
2.懷疑有人利用「所謂存在」之錄影帶想進行勒索行為。

陳奕迅夫婦開記者會，回應近日相關傳聞。

陳奕迅徐濠縈今午舉行記者會，回應近日相關傳聞，並發表聯合聲明，內容如下﹕(撮要)

1.(a)徐濠縈從來沒有參與任何之「迷幻飯局」，至於去年十月於灣仔之「一品花雕雞」之飯局是為友人慶祝生日。陳維尊是該飯局之發起人，並邀請了徐濠縈、葉佩雯、李璨琛、何超儀、陳子聰及李健宏等一眾人士參與，席間多人都曾先後拍下當時情況。

(b)徐濠縈並沒有吸毒習慣，更沒有在該飯局中吸食任何毒品或攬錫任何人士。

2.於飯局結帳時，陳維尊投訴食肆濫收費用，擾攘一輪後，雖然問題帳單一事未解決，但最終亦結帳離去。

3.徐濠縈並未直接或透過任何人與黃浩聯絡，徐濠縈亦從沒有被警方作出調查。

4.我們沒有為任何事發生爭拗，直至現在，我們一家仍過著正常之家庭生活:

5 (a) 陳奕迅亦從沒有”爆粗鬧走阿徐”;

(b) 徐濠縈亦沒有”離家出走”; 及

(c)女兒康堤亦從來沒有表示不滿我們。

徐濠縈何超儀葉佩雯 「飯局」曝光
2012-12-07 15:49:06

黃浩食店風波愈搞愈大，徐濠縈被捲入其中，連日來成為雜誌報章頭條。今日佢同老公陳奕迅聯同經理人陳家瑛及代表律師，去到報業評議會秘書處就近日嘅「不正確」報道作出投訴。

記招上，陳奕迅夫婦仲發出一批聲稱就係事發當日所影嘅相，佢地幫一名叫Amy Kawamura 嘅朋友慶生，由陳維尊發起，邀請咗徐濠縈、葉佩雯、李璨琛、何超儀、陳子聰及李健宏等一眾人士參與，又話席間多人都曾先後拍下當時情況。

徐濠縈同朋友

何超儀同朋友

超儀老公陳子聰

滾吓滾吓

男一檯

女一檯

李燦琛

葉佩雯

徐濠縈﹕唔回應唔代表我做過
2012-12-07 16:00:46

陳奕迅夫婦喺記招上表示﹕「我最緊張係我太太同我個女，我屋企人，仲有我們雙方嘅父母，同我哋親朋戚友嘅感受。尤其係我想同大家分享嘅係，喺我哋口中得唔到答案、我哋唔回應，我哋有權唔回應，但你唔好走去學校騷擾小朋友。」

陳奕迅續稱﹕「希望大家傳媒，有啲壞份子連累好份子，就唔好咁樣，我想講呢樣嘢好耐。雖然習慣咗，但唔代表我哋接受，希望大家會尊重，請唔好騷擾小朋友。因為呢個真係對一個小朋友嘅身心傷害好嚴重。」問到有冇嚇親個女？陳奕迅話﹕「其實有，因為我哋要做心理輔導。」

至於徐濠縈則表示﹕「事件發展到今日，我係十分之無辜，亦都好無奈。」又謂﹕「我一向嘅性格都係唔回應一啲未經證實嘅嘢，甚至未經證實嘅嘢，我覺得記者係可以打俾我哋，求證咗，先去寫問過我哋嘅嘢出嚟，而唔係去我囡囡學校，去求證一啲根本唔係事實嘅嘢。同埋我一直唔係逃避，我係唔想回應一啲失實報道，但唔代表我有做過。」

至於有報道指夫婦倆感情生變，陳奕迅喺記招上表示﹕「我同我太太嘅關係，沒有因為呢段時間不實嘅報道而唔開心，或鬧得不愉快。雖然很肉麻，但我都想講，我哋好恩愛，嗰啲報道全部都係假。」

「事件發展到今日，我係十分之無辜，亦都好無奈。」

「我哋有權唔回應，但你唔好走去學校騷擾小朋友。」

轉貼黃浩相片 徐濠縈﹕係我朋友貼咗
2012-12-07 16:15:23

徐濠縈喺記招中表示，唔回應唔代表係真，但當問及佢點解轉貼黃浩張相上instagram？佢就話﹕「我點解要貼？其實係我嘅朋友貼咗啫，唔關我事，同埋嗰個係我私人戶口。咁要問返陳冠希。」

至於有冇諗過事件會發展至此？徐濠縈就謂﹕「要發展到咁，咁要問下啲造謠者。係咪呢應該？」陳奕迅即接口道﹕「問番發展嗰個人。」

至於是否曾向演藝人協會求助，陳奕迅就表示唔方便講。