插圖： Wendy

揞名爆

「亂咁跳」「黑仔」俾蠶蟲師爺老點

2012年12月07日 ~~ 第906期 忽然１周

「字母台」 嗰兩個當家「亂咁跳」同「黑仔」無端端搞出一個騎呢騷，成為全城笑話。

媽咪姐諗極唔明，照理「亂咁跳」同「黑仔」都唔係第一日做人 㗎啦，為乜會咁戇居呢？「字母台」一個二五就同媽咪姐呻：「佢兩個係俾一個強國蠶蟲師爺老點 㗎！呢條蠶蟲 喺強國做地產，係『黑仔』 嘅老死。佢教『亂咁跳』同『黑仔』要『敵不動我先動』，俾個下馬威『小妖怪』，同時可以引埋其他台出 嚟一齊搞喎。都黐線 嘅，腦筋稍為正常 嘅都知呢條蠶蟲條屎橋唔 work啦，其他台要搞，一早都出聲啦，使鬼跟你癲咩？可憐佢兩個竟然信晒，諗都唔諗就付諸行動。卒之搞出一個天大笑話啦！依家累到我 哋見到行家都面懵懵呀。」
咦，以媽咪姐金田一嘅頭腦推測，呢條蠶蟲唔係有心跣佢哋，就可能係「小妖怪」嘅反間諜。睇嚟呢場鬧劇仲有排玩呀！ 

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄