憑〈江南 Style〉紅爆全球 嘅鳥叔，更奪得「年度最佳歌曲」、「最佳舞蹈表現（個人）」、「全球最受歡迎歌手」及「 International Favorite Artist」四個大獎。
亞熱帶
Psy MAMA發威 華哥馬舞贈興
韓國 Mnet主辦 嘅《 2012Mnet亞洲音樂頒獎禮》（ MAMA），近年 喺亞洲造成轟動，今年移師香港，並於上周五（ 11月 30日） 喺會展舉行。除 咗韓國歌手及藝人外，亦邀請 咗王力宏、李宇春、陳栢霖及成龍等具知名度 嘅中國藝人出席，放眼望去，星光熠熠。頒獎禮中，由 Superjunior、 BigBang及 Psy（鳥叔）三分天下。當晚有份頒獎俾 Psy嘅任達華，行紅地氈時，更一邊哼〈絲帶佬〉一邊跳馬舞。鳥叔魅力真係無法擋。
當鳥叔喺台上表演〈絲帶佬〉時，大熒幕放出大會為其特製嘅吹氣公仔；而台下眾韓國藝人齊齊起哄（右圖）。
跟鳥叔同屬 YG Entertaiment嘅 BigBang，當晚亦獲得「年度歌手」、「最佳男子組合」、「全球出色表演獎」，而隊長 G-Dragon更單獨獲得「最佳男歌手」獎，威盡一時。
華哥話鳥叔係自己一家三口嘅偶像，知道自己頒獎俾偶像，開心到一於跳番 part馬舞贈興。
SJ人氣殺晒
雖然鳥叔風頭一時無兩，但論粉絲之多、論人氣，鳥叔及 BigBang絕對輸俾獲得「全球最佳男子組合」、「年度最佳專輯」及「最佳 Line獎」 嘅 Superjunior。有傳媒話如果當晚有「全場最多歡呼聲獎」 嘅話，當非 SJ莫屬。
只要鏡頭掃向 SJ，觀眾就會有歡呼聲。
SJ接受 J2台訪問，講得獎感受，並表示感謝各地粉絲支持。
SJ雖然隊長去 咗當兵、崔始源因為拍劇缺席，其他成員依然可以散發出完美魅力。
𤓓爆三星
MAMA作為整個亞洲盛事，王力宏、李宇春及容祖兒等屬於華語 嘅歌手都獲獎，照理都值得高興，可惜容祖兒、 Angelababy、成龍等卻成為當晚 嘅「最𤓓之星」。
話說當容祖兒上台接受「 TVB Choice」獎項時，除咗坐 喺台下 嘅韓國藝人給予掌聲，觀眾全無反應，但當佢將 MAMA講成 TVB時，即報以噓聲，一 啲面都唔俾。
作為頒獎嘉賓嘅Angelababy，觀眾零反應，之後又傳出死纏 BigBang主唱 G-Dragon，俾人插爆，話佢最叻抽水。
講到最瘀 嘅，成龍當之無愧。大言不慚嘅佢，竟然話 BigBang同 SJ冇特色，俾兩個組合 嘅粉絲鬧爆，更喺網上群起而攻之，衰多口一直係佢特色！
最狼狽
當晚獲得「最佳女團獎」嘅 SISTAR，喺行紅地氈時，成員昭宥（左）突然跌膊，令其大感狼狽。
MAMA由來
留言列表
{{ article.title }}
