上個月，洪欣畀人貼大字報，除廣播道外，仲貼到去中環行人天橋，要佢欠債還錢云云。事後，洪欣已經喺微博話單欠債唔關佢事，而係佢爸爸同朋友做賭場生意期間發生嘅金錢糾紛，因而牽連到佢身上，洪欣經理人仲話已經報咗警添。

不過，啲收數佬繼續咬住洪欣唔放，日前，東姑行過銅鑼灣同跑馬地又見到向洪欣「追債」嘅新大字報，內容仲話佢係「賴債專家」。唉！洪欣依家住緊跑馬地，貼啲咁嘅大字報，出出入入肯定畀啲街坊指指點點，東姑都戥佢淒慘！

洪欣與祖籍哈爾濱的張丹峰於○九年結婚，隨後洪欣嘅仔莫鎬廉亦跟張丹峰姓張，改名做浩鋒。

洪欣繼上月喺廣播道畀人貼大字報之後，日前東姑喺洪欣所住附近嘅跑馬地區，發現又有新大字報。

早前，洪欣喺微博發聲明話金錢糾紛單嘢係佢爸爸嘅事，同佢冇關，此事令佢感到「困擾及無奈」！

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    tvb4life 發表在 痞客邦 留言(0) 人氣()

    E-mail轉寄