拍攝當日，王俊棠演唱羅文和甄妮名曲〈世間始終你好〉，更大擺劍俠功架，非常入戲。
星悅居
卡拉屋企 王俊棠
「問世間，是否此山最高」，耳邊傳來渾厚的聲音，原來 54歲的王俊棠，正在八百多呎屋企中，備戰年度大型籌款騷《歡樂滿東華》。他從不介意被忽視，每年的《東華》，正當一眾小生花旦與當紅歌手表演完畢，他一直默默由凌晨一時撐到天光，用歌聲籌款，做「卡拉之星」。
王俊棠雖然喜歡四圍唱，但他更享受天倫之樂，每晚與家人食一餐安樂茶飯已經心足，他說：「老婆做空姐，我同阿仔有時要開工開通宵，食飯都要約時間㗎！」
這間卡拉屋企，其實唔算熱鬧。
王俊棠家居
王俊棠八百多呎、三房兩廳的安樂窩位於天后，樓齡已有 50年。他 2006年以 268萬買入，現時已升至 600萬，但他從未考慮放盤，他說：「呢度雖然舊，又冇靚景，但勝在樓底高。住咗咁耐，有感情，況且依家 600萬都買唔到咁大啦！」
薛家燕、王俊棠等一班資深演員，每年落力為《東華》賣唱，此「卡拉之星」環節今年更成為節目宣傳重點。
王俊棠為開平同鄉會表演後，同鄉會立即送他一個獎牌讚他繞樑三日，難怪王將這個獎牌放在大廳當眼處。
近年王俊棠經常作慈善表演，早前他就為青山寺敬老齋盆菜宴唱歌助興。
這些卡拉 OK碟，全是王俊棠唱慣的飲歌，除羅文金曲外，平時愛唱張國榮和譚詠麟名曲。
卡拉 OK看門口
王俊棠屋企裝修簡單，米白色的牆身，搭上木色門和家具，感覺溫暖。「好彩屋企有老婆同工人睇住，如果唔係屋企變狗竇都似。」多得「卡拉之星」帶挈，王俊棠經常為不同慈善團體演出，每年收到的紀念牌感謝獎狀多不勝數，全靠太太和工人合力執好，只剩餘部分最具紀念價值的，放在家中大廳晒冷。
愛唱歌的他，家中當然設有大型的卡拉 OK組合看門口，「平時拍嘢咁忙，邊有時間喺屋企唱卡拉 OK，我都驚自己啲聲浪騷擾到隔籬鄰居。不過有時歌癮起，都會忍唔住。」
王俊棠和太太二十年前的結 緍照，相片保存得甚好外，二人的樣子亦算 keep得不錯。
王俊棠太太做空姐，雖然不時有免費機票，但卻未有時間去旅行。當日王俊棠於記者面前，與太太勾手指，承諾聖誕假一起遊巴黎。
王俊棠一家信佛，大門側放了佛像。
這幅「般若波羅密多心經」，則掛在大廳梳化側。
電視櫃內藏有一部卡拉 OK機和大量卡拉 OK碟。
王俊棠吹 Saxophone時的有型靚仔相，王太十分喜愛，因此將它放在門口當眼處。
家訪當日王俊棠即席吹奏一曲〈情人的眼淚〉，具備職業水準，記者聽出耳油。
侵佔衣櫃
女士向來是家中衣櫃的主人，但王俊棠的屋企剛好相反。「我呢幾年成日要登台，訂做咗好多歌衫，我自己喺主人房嘅衣櫃已經唔夠位擺，咪惟有擺埋老婆嗰邊。」此時，一直陪伴在側的王太終於忍唔住頸，作狀埋怨王俊棠：「佢真係好貪靚㗎！做埋好多登台衫同鞋，件件都要掛到好好，鞋又要連埋鞋盒一齊放。雖然我係屋企唯一女主人，但每次買衫返嚟都要搵位攝。只好霸埋阿仔同工人嘅衣櫃，有時偷偷哋將自己啲衫塞入老公啲衫中間，希望佢唔好發現。」
拍攝當日，王俊棠的兒子王東泰正在開工，原來今年 20歲的東泰，是無綫合約藝員，兩年前藝訓班畢業，目前正忙於拍攝新劇《巨輪》。王俊棠對此說：「希望個仔捱多幾年後就可以上位啦！」
王氏夫婦的主人房設計簡單，牆上掛着二人婚照。由於窗外是樓景，故王經常拉上窗簾。
這件鑲滿閃石的禮服外套，是王俊棠最愛的「外披」之一，連褲及恤衫，價值六千元。
這個放在客廳中的高身鞋櫃，原本屬王太所有，不過後來就被王俊棠的鞋霸了不少位置，王更將登台鞋先收在鞋盒中，才放入鞋櫃。
三對登台鞋各有特色，有鑲閃石、有雕花，對對兩千元以上。
阿仔王東泰的房，門口掛住蘭桂坊路牌，王太說：「咁阿仔想蒲老蘭，返屋企咪得囉！」
王俊棠兒子東泰（左一）今年二十歲，六呎高與老竇同為無綫藝員。
留言列表
{{ article.title }}
