12月 3日 揞實心口
面青青的江美儀，在助手陪同下，與三位尼姑步出酒店時，不停咳嗽，要用雙手 揞 着心口。
滾熱辣
男友偷食嚴淑明 江美儀搵尼姑解心結
《名媛望族》飾演三奶的江美儀，遭老公劉松仁冷待，搞到要紅杏出牆，搵精壯吳卓羲慰藉。現實中，江美儀亦唔好過，早前其男友吳君祥（吳君如胞弟）遭踢爆趁女友不在港，偷食台灣艷星嚴淑明，雖然有相為證，江美儀仍堅稱男友是清白。
人前表現硬淨，但日前江美儀到台南拍《衝上雲霄 2》，趁大隊拍攝時，偷偷離隊，搵當地的尼姑傾訴心事。病到五顏六色的她，更因咳血而一度到當地急症室求診。女友在台南境況淒涼，但吳君祥回應時卻表現輕鬆：「佢咳之嘛，唔算好嚴重 啫！」言談間更強調從未有諗過要娶女友。
江美儀女人四十一枝花，可惜有個不懂欣賞的他。
吳君祥冇打算結婚
上月中，江美儀隨《衝》劇大隊赴英國拍攝，在港的吳君祥即趁機約台灣艷星嚴淑明夜蒲，二人更當眾又攬又錫。《壹週刊》圖片
江美儀和吳君祥拍拖七年，二人堅稱不怕七年之癢，即使在人前亦不怕肉麻互嗌「 BB」，看似打風打唔甩。不過自從江美儀過檔無 綫後，日夜拍劇，有指一向有鋪夜蒲癮的吳君祥，趁女友不在，即自我放監夜蒲攬女。日前，更有雜誌斷正他在夜店攬啜台灣艷星嚴淑明。「 Vincent每次去玩都好小心，就算溝女都鍾意搵一大班老友做掩護，美儀問起上 嚟，佢都有藉口話只係同 friend玩。其實美儀點會唔挑通眼眉，不過都拍拖咁多年，咪惟有隻眼開隻眼閉囉！」知情者透露。
向鄧梓峰訴苦
明知男友在港沙沙滾，無奈江美儀接拍《衝》劇要到處飛，縱使有千里眼亦唔實男友。上周六（ 1日），她隨《衝》劇組到台南拍劇時，已顯得心事重重。到達高雄機場的餐廳後，她更第一時間捉實較 啱傾的同劇演員鄧梓峰訴苦。其間，江滔滔不絕向鄧傾吐，記者隱約聽到她向鄧說：「……咁多年，咁大個人，唔通吓吓跟住咩……好冇癮……！」初時鄧梓峰只顧玩手中電話，未有答嘴，但見江美儀愈講愈灰，鄧才放低電話，專心聽她訴心聲。
食齋減躁
江美儀和尼姑乘車到附近的素食店食齋，其間江不斷向尼姑吐苦水，直至發現記者後，江即收口，友善地邀請記者一齊食飯。
忽然入院
江美儀在醫院急症室等候時，不停 唞大氣，狀甚辛苦。
12月 1日搵十郎打救
甫到高雄機場餐廳，江美儀即忍唔住捉鄧梓峰傾偈訴苦。不過十郎最初只顧睇電話，冇留心聽江說話。
江、吳早前夾份開設娛樂公司，捧蒙面女歌手龍小菌，江佔公司股份比男友多。至於二人現時所租住的貝沙灣，有指是吳君如幫他們一炮過交一年租金。
見尼姑食齋
江美儀和吳君祥拍拖多年，縱使二人未結婚，但江早已被視為吳家新袍，就連男友家姐吳君如，亦與她甚老友，經常約食飯。
翌日（ 2日），大隊轉到墾丁，當日未有戲份的江美儀，一直留在酒店房，待晚上才與全體演員在酒店內的餐廳打邊爐。只見略有疲態的她，一直緊皺眉頭不斷用電話 send短訊，甚少參與一眾演員的談話。
至周一（ 3日）中午 11時，依舊冇戲份的江美儀，與助手步出酒店，二人身後離奇出現三位身穿僧袍的尼姑。江美儀沿途與一眾尼姑有傾有講，再到附近的素食館用膳。其間，記者聽到她不停咳嗽，聲音沙啞地用國語向尼姑說：「這星期留在墾丁拍戲，不過我落機後，一直覺得喉嚨很不舒服，整天不停咳，又睡得不好。」
七年之癢
41歲江美儀與吳君如的胞弟吳君祥（ Vincent）拍拖至今七年，其實江與吳君祥細佬在小學時就讀同一班小學，而吳君祥則大她四年。二人畢業後，吳 16歲到加拿大留學，大學讀電子工程，畢業後留加發展，直至 01年回流香港投資酒吧生意，全盛時期擁有七間酒吧，由中環開到西貢。
03年，吳在一場合重遇江美儀，當時已是亞視當家花旦的江，向吳單刀直入說：「我小學 嗰陣暗戀你細佬 㗎！」吳君祥即向她潑冷水說：「太遲啦，我細佬結 咗婚啦！」自此，二人不時短訊聯絡，火速撻 着。相交七年，江美儀早已被男方家長視為新袍仔，而吳父夏春秋更公開讚她乖巧識做。
雖然已認定對方，二人卻差一紙婚書，如今吳遭踢爆偷食，七年之情危機四伏！
見江美儀咳唔停，其中一個尼姑便向她提議到附近公立醫院求診。記者見她行入醫院時腳步浮浮，在醫院大堂等候醫生睇症時，更耷低頭喘氣，露出辛苦表情。約個多小時後，江美儀步出醫院。記者上前訪問她，她直認與尼姑傾偈可以令個心舒服些。看來江美儀對男友偷食，仍未放低。
江美儀：咳到見血
江：江美儀記：記者
記：之前睇到男友偷食報道，你有冇了解過件事？
江：（聲音沙啞）我有問佢有人影到你攬女喎，佢冇答我，不過成件事都好好笑，可能呢期我有劇出多人注意 咗，受注目，影響到身邊人。
記：你因咩事要搵尼姑？
江：我信佛都十年八年，同我傾偈 嗰班尼姑，我都識 咗幾年。之前冬冬（指其愛犬）走 嗰陣，都係佢 哋幫手誦經。今次 嚟台南，咪順道搵吓佢 哋。
記：同尼姑傾偈係咪想解心結？
江：（抿抿嘴）我同佢 哋傾完偈，個心舒服 啲，個人平靜 啲，冇咁執 着。
記：見你好唔舒服，醫生話你咩事？
江：醫生話我急性支氣管炎，我去英國拍劇之前已經開始咳，尋晚仲咳到有血絲，好驚，唔知係咩事，其實我氣管不嬲有敏感。
記：你男友知唔知？
江：知，佢有叫我攬頸巾。
杯麵送藥
周二（ 4日），穿上粉紅外套的江美儀和助手到酒店附近買杯麵，她邊行邊對記者說：「我今日 瞓多 咗，食 咗藥好好多，咪諗住買杯麵送藥囉！」使唔使慘成咁！
我咳到見血！（真實對白）
江美儀多次向記者表示擔心病情冇好轉，若食藥唔好，便會轉睇其他醫院。
吳君祥：佢唔算好嚴重
冇打算結婚！（真實對白）
自言每日都有跟女友 whatsapp的吳君祥，向記者表示一早已知女友病況和行蹤。對於會否和女友拉埋天窗，吳毫不猶豫表示沒有結婚打算。
江美儀病到瘟瘟吓，至於趁女友不在港，回復自由身的吳君祥，周二（ 4日）下午二時才離開貝沙灣寓所，駕車到香港仔一銀行撳錢。對於女友搵尼姑一事，吳表示女友有和他透露過。「我知 BB有去搵尼姑，班尼姑我都識，佢 哋傾吓偈 啫，冇乜特別。（係咪為 咗你上次偷食 嗰件事先去搵尼姑傾偈？）我同嚴淑明係普通朋友， BB都知。（你知唔知江美儀咳得好嚴重？）我知佢唔舒服，不過咳之嘛，唔算好嚴重。（你同江美儀拍 咗七年拖，有冇諗過結婚？）不嬲都冇打算結婚，我同 BB相處好融洽，好鍾意呢個關係。」吳君祥講明要做冇腳雀仔，江美儀想要名份，睇怕要好有耐性。
三太自摸擒木水
現實中江美儀硬撐男友，但《名媛望族》下周殺入結局尾聲，受盡老公鍾卓萬（劉松仁）冷待的她，難忍內心寂寞，勾引遭小由（朱晨麗）拒絕的木水（吳卓羲），除了又用黑絲襪舊招外，更會加插自摸色誘木水，二人終搞上 牀。雖然重口味，不過肯定係下周焦點所在。
不過老牛食嫩草一事終被老公揭發，鍾卓萬決定要與她離婚。三太為爭一對仔女撫養權，誓與對方打官司，爭取當時社會女人唔敢爭的權益。
留言列表
{{ article.title }}
