鏡頭後 食波餅
本來落樓吹吹風，點知兩個酒醉未醒依然腳步浮浮，仙樂都企唔穩攬實 Eddie，大送波餅， Eddie亦冇抗拒。
娛聞樂
拍夜蒲節目互撻 朱慧敏男友醉攬仙樂都
EO2成員彭懷安（ Eddie）與朱慧敏拍拖一年，多次被影到孖住買 餸返愛巢，戀情雖然浮面，但 Eddie仲未玩夠，今年 7月他被斷正與辣妹手拖手夜蒲中環後，最近又有女埋身。
上周四（ 29日）凌晨 2時， Eddie與仙樂都（吳堯堯）在蘭桂坊樓上酒吧為有線拍夜蒲節目，其間二人不斷隊酒杯杯清，在場內已借醉攬實跳貼身舞，其後更趁中場休息齊齊落樓吹吹風。你扶我，我扶你之下，在後巷攬埋一嚿，對於仙樂都狂送波餅， Eddie非常受落。
男友 Eddie公然攬女，朱慧敏發火話冇眼睇！
男子組合 EO2成員 Eddie一直星運平平，但勝在朋友多，兩年前與友人合股開設「華星冰室」，由歌手轉型做冰室老闆，落手落腳洗碗兼倒垃圾，現時冰室生意不錯，總算事業有成。年初 Eddie與朱慧敏撻 着，兩人更不避嫌在沙灘嬉水、返愛巢打邊爐等，關係看似打風都打唔甩。
鏡頭前跳辣身舞
上周四（ 29日）凌晨 2時， Eddie與仙樂都拍攝期間大跳辣身舞，又攬又摸全情投入，兩人鏡頭前表現 high爆。
落樓吹風
拍到凌晨 3時，兩人趁空檔時間孖住落樓吹風，半醉 Eddie依然有風度定開門俾仙樂都，難怪女方講明對 Eddie有好感啦。
正印發火
公認阿嫂
Eddie同朱慧敏早已是公認的一對， EO2其餘三位兄弟都稱朱慧敏做「阿嫂」，日前兩人又被影到在華星冰室醫肚。
即撻即 着
戀情一日未正式公開， Eddie仍當自己單身，結果引來狂蜂浪蝶。上周四（ 29日）凌晨， Eddie與早前被龍心非禮告到上法庭的仙樂都，在蘭桂坊一間樓上夜店拍攝有線電視節目《喜愛夜蒲》。據目擊者所見，二人寓工作於娛樂，不停劈酒，兩杯落肚後，仙樂都全程攬實 Eddie，身穿低胸吊帶裙的她來勢胸胸， Eddie亦照單全收。之後記者更發現，他們醉到攬實落樓，到後巷吹風兼煲煙，數分鐘後才返上樓繼續拍攝。
據知 Eddie與仙樂都一見如故，在場工作人員透露：「佢 哋之前唔識 㗎，但好 啱嘴形，一見面就講番以前去邊度蒲，又勁講鹹濕 嘢，仙樂都講吓點樣溝仔，總之一停機兩個就孖公仔咁啦！」由於節目講夜蒲，二人攞正牌劈酒，工作人員續說：「 嗰晚佢 哋真係飲好多，導演都贊成飲多 啲，拍得放 啲嘛！」
搵仔陪行街
上周三（ 28日），男友不在身邊，朱慧敏都不愁寂寞，搵男友人陪行街買衫，狂掃四大袋靚衫。男友人除了提供意見外，所有戰利品都由佢拎住，朱慧敏繼續兩手 fing fing。
朱慧敏嬲爆
Eddie攬女，女友朱慧敏亦不甘示弱。上周三（ 11月 28日）下午，朱慧敏由一名男友人陪同下，在將軍澳商場買衫，不過行街時她一直面 燶 燶。其後記者致電朱慧敏，對於男友 Eddie醉攬仙樂都，朱慧敏一聽到就發火：「我唔回應啦，佢 嘅 嘢唔好問我！」記者再三追問，她堅持封口，看來男友又攬女令她非常嬲。
男主角 Eddie亦透過電話回應：「我同 Yoyo（仙樂都）冇 嘢喎！拍 嘢 啫！影到 啲咩相呀？係咪劇照呀？我 喺節目度都有攬住佢啦！（怕唔怕女友朱慧敏唔鍾意？）佢係我朋友，朋友當然互相信任啦！」出名豪放的仙樂都亦覺得攬實 Eddie冇問題，「我 哋真係好好傾，大家都係蒲友，佢好 man，我對佢係有好感。（怕唔怕佢女友朱慧敏嬲？） Eddie同我講佢冇女朋友喎！」
出得來玩，十個男人都話自己係單身。睇怕朱慧敏要公開其正印身份，先可以杜絕再有女埋 Eddie身囉！
多番遇人不淑
現年 30歲的朱慧敏， 04年奪港姐亞軍，可惜出道至今，情路坎坷，總是遇上花弗男。
車震女主角
05年搭上梁榮忠發生「車震」事件，當時男方背住拍拖 7年的女友鍾麗淇與朱慧敏撻 着，梁榮忠從此背上「賤男」之名。朱的形象亦大受影響。
台灣闊少甩拖
09年與在台灣做 IT生意的億萬男友 Rick Chang拍拖，朱慧敏高調宣示自己有人要，更透露隨時嫁。豈料被傳媒踢爆 Rick攬咀辣妹索女，令異地戀又告吹，最終 Rick悔婚，分手收場。
啜爆
朱慧敏
溝辣妹
男友拖辣妹
今年 7月，有雜誌拍到 Eddie與一名長髮索女夜蒲中環，其間兩人手拖手， Eddie聲稱與該女子是朋友關係，並無其他。其後得到女友原諒，當冇事發生。
龍心胸襲響朵
仙樂都原名吳堯堯，因主持網上電台節目被龍心胸襲而成名，後來仙樂都報警求助。警察拘捕龍心後，上月法庭判決他非禮罪成，坐監 21日，當日仙樂都亦有份到東區法院聽審。 
留言列表
{{ article.title }}
