首輪挑戰，歐陽震華於一分鐘內只成功擒到六枝鉛筆，之後他再接再厲，第二次成功擒到八枝。
娛聞樂
《決戰一分鐘》星級版 歐陽震華惡鬥關詠荷
遊戲玩法
唔好以為易玩！（設計對白）
記者於電視城化妝間外設「挑戰擂台」，擂台有以下三項遊戲。
1抽筋擒拿手：參賽者一分鐘內成功拋起及捉住一打鉛筆。
2鉛筆彈彈：參賽者令鉛筆反彈，分別彈入五隻玻璃杯內。
3骰骰相關：參賽者咬住雪條棍，於棍上疊高五粒骰並維持三秒。
歐陽震華𢱑獎金
結果歐陽震華成功搞掂，更沾沾自喜嗌：「得咗！」
包青天打扮的歐陽震華拍完戲後，對本刊記者化妝間外設置的「決戰」擂台甚有興趣，隨即說：「嚟嚟嚟，我玩抓鉛筆！」其間更興奮大叫：「嘩！我得咗啦！包大人幾勁吓㗎，係咪有一千蚊獎金㗎！」包大人，其實要擒到一打筆先叫過關㗎。
關詠荷：難過拍戲
關詠荷挑戰「擒拿手」失敗，於是轉戰玩「鉛筆彈彈」，不過她邊彈邊說：「仲難過拍戲呀！」
關詠荷玩遊戲都好認真，唧都唔笑。
記者開始進行倒數，最後三秒時，關詠荷終於完成挑戰。一直好緊張的她，才笑到見牙唔見眼。
李詩韻擒功了得
眾藝人當中，李詩韻擒功最「掂」。她以六枝鉛筆起標，到十枝都是一次過搞掂，惟挑戰到十二枝時失敗。她說：「連我都估唔到自己咁掂呀！你哋有冇獎金同獎品㗎？」之後她轉戰「疊骰仔」，亦順利過關。
李詩韻歷史性擒住一打鉛筆，開心到癲咗。
李詩韻疊骰時經常跣手，但最終在一分鐘內將五粒骰疊高。
楊思琦出術
化了醜妝，正準備入廠錄影《瘋狂歷史補習社》的楊思琦，被記者挑機才指住自己塊面搞笑說：「我咁嘅樣都得呀？」可惜她挑戰擒鉛筆及疊骰仔都失敗。挑戰疊骰仔時，她說：「可唔可以先疊好五粒，再放上去呀？」雖然她出術，但玩得落力，抵讚。
楊思琦紮晒馬玩「抽筋擒拿手」，可惜一分鐘內只擒到四枝，失敗。
楊思琦將五粒骰疊高後，再放上雪條棍，被踢出局。
張美妮賴手細
張美妮彈鉛筆時聚精會神，但最後只成功彈中一枝。
張美妮一見到「決戰擂台」便十分興奮，主動挑戰「擒拿手」，但她就稱自己手細，挑戰期間經常將鉛筆飛落地，最後她只擒到三枝。但她亦十分雀躍說：「我冇練過㗎！第一次玩就有三枝，都唔錯啦！」
農夫唔夠喉
客串《瘋狂歷史補習社》的農夫亦有份迎戰。成員之一陸永自恃手腳靈活，於首輪便挑戰擒九枝鉛筆，他說：「我隻手夠大，相信挑戰十二枝都得㗎！」可惜挑戰途中被催入廠。
至於 C君則挑戰鉛筆彈彈，可惜試了幾次均失敗，搞到佢冇晒心機。最後他只成功彈入一枝鉛筆，最搞笑係佢自我陶醉嗌：「 Yes！掂呀！」唔肯認輸！
陸永拋鉛筆拋到很低，可惜時間唔夠，只擒到十枝。
C君舉起雙手高呼勝利，但枱面只得一隻杯有鉛筆，擺明死撐。
朱千雪認真
今屆港姐季軍朱千雪細心聆聽記者講解遊戲玩法後，便認真挑戰，全程冇乜點笑。最先她於「擒拿手」環節失敗，之後她再玩「疊骰仔」，終於成功。
朱千雪明顯有捧《決戰》，疊好骰後就自動波放開雙手三秒。
疊骰叻，但朱千雪就玩唔掂擒拿手，每次都將鉛筆拋到高過頭，鉛筆唔飛散就奇。
𡃁模參戰惹質疑
《決戰》第二集平均收視有 29點，總算 keep住。不過該集其中一個參賽者， 19歲的梁嘉琬，原來是模特兒兼拍過廣告，加上鏡頭經常特寫她豐滿上圍，十分奇怪，難怪被網友質疑做媒。雖然《決戰》成績好，但未獲網友垂青，彈多過讚。
無綫搵來𡃁模梁嘉琬助陣，亦「有心」安排她玩「運轉曲奇」環節，讓她伸脷舔曲奇一幕有機會呈現。
今年 19歲的梁嘉琬是恒生管理學院商務翻譯系學生及兼職 model。她出戰一日便可成為頭條，得多過失。
讚索女襟睇
彈獎金唔多
嫌克勤刻板
留言列表
{{ article.title }}
