蕭先生的愛犬買了一星期便因肺炎而要人道毀滅，他質疑寵物店售賣有問題寵物，惟獸醫指初生寵物易生病，難以證明寵物店有問題。（江永健攝）

貼士

買狗前 check清楚

2012年12月06日 ~~ 第1187期香港《壹周刊》

有讀者近日於寵物店購入三個月大的哥基犬，但僅一星期，幼犬便因肺炎而死。讀者懷疑寵物店售賣病犬遂向本刊投訴。專家指出，初生寵物容易生病，難以證實寵物店售賣的寵物是否早有問題，市民在購買寵物前應要檢查清楚。

蕭先生的兒子一直想養寵物，至十一月初終獲家人批准養狗，遂滿心歡喜到何文田勝利道的寵物店買狗。千挑萬選，終於看中了一隻五千五百元、僅三個月大的哥基犬，「俾錢嘅時候，隻狗都有幾聲咳，當時職員話可能被風扇吹親，之後見佢冇再咳，所以都無為意就直接帶咗佢返屋企。」
豈料幼犬回家後，又開始咳嗽，睇獸醫食藥後更嘔吐不止，其後獸醫確診患上肺炎，「我見佢咁辛苦，氣都抖唔到，最後都係決定人道毀滅咗佢。」

蕭先生買的哥基犬僅三個月大，還未改名，便已離開人世。（蕭先生提供圖片）

根據獸醫報告，蕭先生的哥基犬一直呼吸困難，而且經常咳嗽和嘔吐，最後被確診肺炎。

貼士一　買前獸醫檢查

獸醫黎昌生指，初生寵物體質極弱，「兩、三個月大嘅狗仔，一下子要離開媽媽轉換新環境，又由飲奶轉食狗糧，好多嘢唔慣，會病一啲都唔出奇。」他建議市民可要求先帶寵物到鄰近獸醫診所作檢查，獲獸醫確定健康才付錢，「一般寵物店都會派職員同你一齊去，或者喺張單度寫住『獸醫檢查後有問題可退』，如果間店唔肯咁做，就梗係唔好幫襯啦！」

貼士二　眼濕鼻濕有病

黎醫生教路，要特別留意寵物的眼睛和鼻子有否過於濕潤，還要留意寵物進食時是否有胃口及有沒有「屙爛屎」，「咁可能證明咗隻狗有狗瘟、腸胃炎、肺炎呢啲比較難搞嘅病。」

貼士三　貓狗同售易有皮膚病

坊間有寵物店會同時售賣多種寵物，愛護動物協會發言人顏綺玲指出，此舉會增加寵物感染皮膚病的風險，「寵物店閂門後有時都係將啲貓貓狗狗一齊放入倉，咁樣好容易交叉感染病菌，尤其是皮膚病。」
她又提醒，新買寵物如不幸病逝，不宜立刻再買新寵物，因為病菌有可能仍存於屋內，「最好徹底清潔間屋，等番幾個月，啲菌散晒之後再去養新一隻寵物。」不過，講到底，想養寵物，未必一定要去寵物店買，市民可以考慮到愛護動物協會或其他機構領養。