忍口 食蔬果餐 關詠荷 收身 再戰 Bobby 3週刊 678期
自王維基挖角及小生花旦北上掘金後，TVB出現小生花旦荒，所以最近有傳TVB誠意打動收視褔將關詠荷復出。不過關詠荷自早年跟張家輝誕下女兒Brittany後，便全職做湊仔婆，雖然09年復出接拍《五味人生》後，但純粹過戲癮，之後又再安心做師奶，而家肥足兩個碼。
日前好姨見到關詠荷跑馬地買，見佢只睇生果、疏菜，似乎係食緊蔬果餐減肥。佢同檔主有講有笑，睇相當熟落，好姨仲聽到佢猛話：「揀新鮮俾我！」一臉精明師奶樣。由於離開時落毛毛雨，關詠荷個司機好醒目，走落車遮佢。雖然佢冇化妝都唔算太好走樣，但鬆身衫佢，造型非常師奶，但唔止要keep fit，佢仲要執形象。享慣福，真係要好好預備遲開夜喇！
好姨聽聞TVB搞得掂關詠荷，全因製作部經理莊偉健力邀佢出山跟好拍檔Bobby再度合作拍劇，Bobby更親自打電話給張家輝要求「放人」，所以先可以造就呢次復出，仲安排老拍檔歐陽震華同佢一齊演出。據知兩人將會拍30集重頭劇，由宋代演到現代，係一個橫跨一千年愛情故事，戲中關詠荷分別扮演古代才女、50年代大家姐同現代名嘴；同演宋代包公、50年代探長同現代警察歐陽震華（Bobby）大鬥演技，好姨都好期待呀！
放大圖片
全站熱搜
留言列表
{{ article.title }}
