林青霞話，狼狗女「Lady」長期困籠生活，又難怪，間屋5萬呎好易走狗，斷估「Lady」個籠應該都有幾百呎大。
同老公邢李响飛鵝山有5萬呎大屋嘅林青霞，雖然巨型皇宮仲未完全落成，但邢家最近喜事臨門，就係家中狼狗女「Lady」誕下12隻狗B，令林青霞初嘗抱孫滋味。


為咗迎接小生命，林青霞除咗聘用馴狗師幫手接生，自己亦有份睇實「Lady」嘅生產過程，最終喜獲5女7仔。本身怕狗，仲話「Lady」每次見到佢都會狂吠，林青霞唔敢自己湊孫，於是叫咗四個工人幫手輪流餵BB飲奶，至於有幾隻狗B因為身體比較弱，馴狗師建議由「Lady」親自照顧，呢個安排包保所以BB都可以健康成長。身為阿嫲，林青霞家陣好頭痛，究竟幫12個孫改咩名，有人提議以月份命名，或者生肖都得，但林嫲嫲就想引用自己嘅成名作：「就叫窗裡、窗外、窗上、窗下、窗前、窗後、窗子、窗戶、窗台、窗口、窗門、窗框吧！」會唔會太搞笑！ ####


4個工人輪流餵奶B，每三至四個鐘就要餵一次，真係仲辛苦過吸塵打掃煮飯。


每隻狗孫都有獨立膠籃寢室，24小時有暖燈保暖，至於有某幾隻身體較弱嘅狗B，就由「Lady」親自貼身照顧。



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄