跌多300點呀！（真實對白）
星期日出嚟谷劇，秋官忽然變咗大淡友，唱衰恒指起碼要跌多三百點。
由鄭少秋主演嘅無綫新劇《心戰》，兩個禮拜前開始出預告片，恒指當日就咁冇咗四百幾點，一眾淡友諗住丁蟹效應重現，紛紛睇淡後市。

俾人話足咁多年，秋官已經進入化境，上個禮拜三（十六日）現身《心戰》宣傳，心情不知幾風騷，更變身股海明燈，勸各位股民睇市兼睇劇，趁個市低低哋，吸納優質股。
到咗星期日（二十日），秋官再出嚟谷劇，《心戰》星期一出街（五月二十一日），問佢點睇週一市況，秋官繼續倒自己米：「邊度咁快升呀，我睇要跌多三百點！其實我一向都唔睇股票，老婆睇多，家陣搞到我都想入貨。」
秋官認命，不過個市跌唔落，週一收市跌得三十點都唔夠，一地眼鏡。 ####


當年播《大時代》，全球股市大冧，家陣《心戰》出街，又撞正歐洲金融危機，秋官都信自己邪，仲話早年試過有財經節目搵佢做嘉賓，搞到佢唔知好嬲定好笑。


因為拍《心戰》撻着，陳豪陳茵媺每次現身宣傳，戀情總成為被取笑話題。


秋官班師奶影迷比較斯文，反而陳豪呢位阿嬸fans，繑實手臂胸壓，當正自己係陳茵媺。


上星期三以劇中白髮造型現身谷劇，秋官自爆劇中會同邵美琪有法式親吻鏡頭，搞到要同老婆備案，而當日秋官現身，恒指一共跌咗三百幾點。



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄