完騷後，周慧敏被fans感動得眼濕濕，返入後台即緊握雙手，不斷問工作人員唱成點！
已經二十年無做過簽名會的周慧敏，到澳門威尼斯人開騷加簽名會，引來過千人排隊，場面墟冚。過大海快賺過百萬，但慳妹風格不變，用殘舊旅行喼，Sony T10相機更是○六年陳年款，全程最豪，是酒店贊助的超巨型套房及全體工作人員兩天自助餐。
周慧敏有入冇出，賺盡！

封嘴養氣
開騷前一日，緊張的周慧敏已經到澳門威尼斯人做彩排，預演五小時，唱到凌晨十二時才返酒店房休息，開騷當日要養聲，五點後封嘴，盡量少講嘢。
「阿V鍾意飲檸檬茶，我哋怕會影響喉嚨，只係俾佢飲水，亦唔俾佢食咖啡卷，只係食蘋果同香蕉填肚，五點開始，盡量唔講嘢，慳番啖氣！」一名工作人員說。
搵落大把，但周慧敏慳儉作風不改。用雜嘜旅行喼，早已用到殘，在後台VIP房準備時，周慧敏一邊化妝一邊睇住相機中的跳舞片段練舞，記者留意到，相機是○六年出的Sony T10，相當老爺。

絕無僅有
知慳識儉，唯獨兩年前使超過十萬，跟著名歌唱老師Christian Samson學唱歌，為復出演唱做好準備，才令周慧敏鬆一鬆手，大破慳囊。「嚟到澳門，因為全部有贊助，食住都係頂級，住嘅係二千幾呎豪華套房，阿V想order乜都得！」一開口收一百五十萬，周慧敏完騷後仲有手尾跟，先到後台VIP房，與酒店超級VIP影合照，逐個影交完功課，繼續做簽名會。 ####


凌晨一時才有飯落肚，工作人員為阿V準備了滿枱食物，碟前是她最愛的咖啡卷。


返回酒店套房，興奮心情仍未平復的周慧敏，繼續為送給保安的DVD簽名。


金光綜藝館後台的VIP房，比香港紅館還要大，化好妝，阿V繼續練舞。


唔講嘢要保聲，周慧敏就在後台用六年前的舊款相機，翻睇前一晚錄低的片段記舞步。


出名乜都慳，周慧敏的旅行喼外表已見殘舊，但依然唔捨得換。


雖然是凌晨十二時，大堆fans唔怕捱眼瞓逼爆金光綜藝館門外等偶像簽名，要大班保安要㩒住鐵馬慎防發生意外。


做完演唱會，周慧敏再為千多名粉絲簽名，簽了個多小時才收工。


入到VIP房，已經有數十名貴賓等候與阿V影合照，她有求必應。


周慧敏在低胸短裙內黐滿膠紙，唔怕走光。


玉女掌門人，與男dancers跳舞，最激都只係扮摸大髀。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄