生咗兩個女，四十三歲嘅Cass身形依然fit，行完街有司機接走，闊太生活，使乜再出嚟唱。
自從响黃偉文嘅作品展上獻唱昔日金曲《小玩意》，唔少人都想Cass彭羚可以復出，有機會再聽佢把靚聲，可惜Cass寧願湊女家庭樂，加上老公林海峰同記者講，如果老婆再唱歌，佢就要留喺屋企唱《垃圾》，兩個女就唱《你沒有好結果》，一早聽聞過林生有幾大男人，試問林太又點敢响老公面前投反對票。


一心做師奶，其實條路真係冇揀錯，早排《壹》仔响銅鑼灣撞到Cass，佢趁住兩個女返學時間，一個人行利園，灰色連身裙再加副太陽超，星味不減，闊太味更濃，之後登上由司機駕駛嘅平治G500四驅車離開。另一日，同一架車，不過Cass身邊多咗兩位千金林泳同林清，三母女由司機車出街，原來兩個女要去便利店買糖買朱古力。大女林泳已經十三歲，當日唔使媽咪落車，幫手帶住八歲細妹林清。大女又瘦又高，個樣似媽咪，舉動比較斯文，反而細女似老豆，行路跳跳紮夠晒活潑，Cass日日對住兩個女，開心過開演唱會啦。


兩個女要去便利店買糖，Cass留响車上遠距離睇實，細妹林清知道有朱古力食，開心到上車落車都紮紮跳。 ####


據聞林海峰有半億身家俾老婆揸手，Cass「復出」純粹只係俾面黃偉文。


大女林泳又高又瘦，睇嚟好快會高過媽咪。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄