阿姐除咗現身撐新光，更打算年尾响度舉行跨年演唱會，慶祝入行四十五周年。
屹立北角四十年嘅新光戲院，原本二月關門大吉，最後得候任特首梁振英出面，大業主最終肯讓步，續租多四年，星期一（二十一日）新光舉行復修重開活動，身為粵劇界嘅汪阿姐都有現身。


全新面貌，阿姐話新光重開對佢嚟講別具意義，因為今年係佢入行四十五周年，所以打算今年年尾，响新光搞紀念演唱會慶祝。問佢點解唔去紅館開騷？阿姐有少少勞氣：「我入咗三次紙，紅館都唔批，而家我打算喺新光搞聖誕跨年演唱會，到時會將紅館嘅製作，搬嚟新光。」其實阿姐有所不知，今年聖誕跨年檔期，一早俾Sammi鄭秀文霸咗，就連Eason陳奕迅都爭唔贏個期，搞到跨年騷逼住要搬入機場博覽。連臣哥都要認輸，汪阿姐就更加冇面俾。 ####


Sammi一早霸咗紅館期開跨年騷，就連Eason都唔夠佢爭。


定居廣州嘅紅線女，上台獻唱金曲《荔枝頌》唔使睇歌詞，但輪到多謝梁振英保住新光，忽然唔記得佢個名，唯有叫梁振英做「阿特首長」。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄