「Chok王」林峯深得TVB藝員部總監樂易玲疼錫，身份當然高人一等，幾乎每次拍劇均因遲大到而辣㷫拍檔。最近峯少與三哥苗僑偉拍攝《雷霆掃毒》時更變本加厲，除了繼續扮大佬玩遲到外，更與徐子珊鬥度期接job搵錢，拖累劇組由冬天拍到夏天才埋尾，幕前幕後怨聲載道，尤以三哥最為勞氣！

上周劇組終拍攝煞科戲，當日峯少繼續玩遲到，更寧願在保母車上大覺瞓都不埋位，三哥㷫爆狂催促，大合照時更將「Chok王」out出局，實行趁煞科日將怨聲谷氣大爆發！

遲遲未肯埋位的峯少，對稿時仍拿着粟米片密密食，身旁的三哥即扭歪面，冇眼睇，前輩羅樂林即做和事老。

連累呆等

向來有「少爺」之稱的林峯，年前他與歐陽震華合作《不速之約》時已因「例遲」辣前輩，對方更向樂易玲告狀，令峯少收斂不少。不過峯少最近與三哥合作《雷霆掃毒》時又故態復萌，連累全組演員經常等了又等，該劇集不惜工本，由冬天拍到夏天。

據知，峯少除了例遲外，他與劇中另一大牌王徐子珊互相鬥度期出席商業活動，導致該劇嚴重甩期，令三哥嬲到震。知情者說：「三哥要做配角已經唔多老嚟，加上林峯成日遲到，又話因為脊椎炎成日請假！早前又同子珊度咗成個禮拜期去賺外快，套劇埋唔到尾，三哥啲期都hold住嚟就佢哋，唔嬲就假！」

大合照時，峯少仍在保母車上大覺瞓，眾人均懶理「大少爺」缺席。

開工勁巴閉

《雷霆掃毒》由冬天拍到夏天，但峯少喜歡話事及「指指點點」幫他挽鞋的工作人員，季季如常，貫徹其「少爺」風範。