嘩眾取寵同自然舒服，Kelly就算條腿仲有少少肉地，都贏晒熒光嘴何超雲。
八珍唔係fashion人，雖然冇資格品評時裝，但上個禮拜六晚（五月十九日）响中環一個時裝店開幕禮上，見到何家三房大千金何超雲一身打扮，八珍純粹直覺，諗起個「驚」字。


近排以fashion人自居嘅何超雲，經常放相上微博，再清楚寫低晒身上時裝出自咩牌子，方便一眾同道可以跟住買。但講真句，何超雲呢個金毛頭熒光嘴，心口離奇掛住一條似啞鈴嘅頸鏈，何止八珍唔識欣賞，連設計師睇法都一樣。當日同場仲有產後首度復出嘅Kelly陳慧琳，雖然雙腿仲有少少肉，不過打扮上順眼得多。之後兩個同品牌設計師一齊影合照，設計師對眼只係一味望實Kelly係咁笑，完全冷待何家千金，收視定輸贏，邊個著衫有品味，大家有眼睇。 ####


品牌設計師只係攬實Kelly係咁笑，之後仲雞啄唔斷傾偈，搞到何超雲好尷尬。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄