各位觀眾，5條煙！（設計對白）响上海拍緊新戲《大上海》嘅發哥，聽導演王晶吩咐減肥十幾磅開工，所以身材同當年拍電影《賭神》一樣fit，連台下嘅發嫂（紅圈）都睇到拍爛手掌。
上個禮拜五晚（五月十八日）德國品牌 HUGO BOSS响北京搞咗場花生騷，劉嘉玲、張梓琳、荷李活女星泰達史雲頓等都有現身，不過所有星光，都俾周潤發一個搶晒。

 
當晚發哥以品牌首位亞洲代言人身份，壓軸現身扮model行catwalk，著住玫瑰紅西裝、梳賭神頭，身材依然見得人，其間，品牌亞太區總裁 Dr. Gerrit Ruetzel突然上台送禮物，現場更播起生日歌，原來當日係發哥五十七歲牛一。生日行騷，發哥表現風騷，仲話太太陳薈蓮送上肉嘴同個心俾佢做禮物，不過更值得高興嘅係身邊大班老友專登飛上北京同佢賀壽，當中包括張兆輝一家三口，所以當晚完咗騷，周生周太連衫都冇時間換，即刻要趕車去酒店開party。好在到埗都未過十二點，不過就難為咗周太，事關佢一早已經人有三急，只係一直唔急出聲，無非唔想耽誤老公慶生時刻，等壽星發趕得切吹生日蠟燭。 ####

 


記者話俾發哥發嫂知，劉華B女出咗世，壽星發即刻對住鏡頭送上祝福。


生日前一晚（十七日），張兆輝一家三口已經嚟到北京，同發哥預早祝壽。


發哥一向親民，更應飯店職員要求，一齊影大合照。


行完騷，發哥兩公婆趕去酒店同朋友一齊慶祝生日，好在趕得切十二點前切蛋糕吹蠟燭。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄