超雲全晚捉住阿妹超蓮，刻意跟陳山聰保持距離，熱面貼冷屁股的他，只能笑住死跟。
咪埋嚟！（設計對白）
名人私生活
出口又出手 超雲蹺起山聰
雖有說陳山聰嫁入何家已開綠燈，準新娘超雲反而有褪軚現象，上週三在名廚的廿四歲生日宴，不但冇叫男友大合照，仲開到口話：「我哋呢度咪一家人囉！」成晚避開山聰之手唔俾佢拖，何家女婿，睇怕會臨門撻 Q。
超雲一到場，記者劈頭問壽星女，山聰今日會唔會求婚？「呢啲唔講，講番生日啦！」仲擺埋阿妹和吳克群上枱，呢招唔掂，她就用阿媽做擋箭牌，「媽咪都講個個都係朋友。」影大合照時，陳山聰更獨坐餐廳冇份入鏡。
超雲不但出口術，全晚刻意避開陳山聰，整晚不要男友攙扶，主動捉實超蓮手臂，記者叫山聰嘴她，超雲不想，由阿妹代嘴；一直陪食陪玩的陳山聰當晚又冇份坐主家席，被安排同助手、髮型師坐另一圍。不過超雲狡辯話：「我哋得兩圍，冇分主唔主家席。」
超雲不肯被男友嘴，改由超蓮代勞。
離開餐廳時，陳山聰追住托女友手踭，超雲就死捉住細妹。
三月一日生日的三太都是壽星之一，今次賭王亦送了鑽石給五十九歲的太太。
入贅無期
而去年傍住女友出席東華晚宴的陳山聰，今年亦被飛，上週五晚超雲單拖陪阿媽赴會。知情者說三太口話接受山聰做女婿，但查實不想他「嫁入」何家，「阿太唔鍾意個女同圈中人，所以超雲唔會同陳山聰結婚，細路女好易變心。」本週一記者問超雲是否密謀分手？她笑話：「唔結婚就分手？我哋感情好好，唔單止佢就我，我都有就佢㗎！」
上週五晚超雲著住露出玉背的 Alexander McQueen裙出席東華晚宴，連另一枱的超瓊（箭嘴）亦忍不住偷望，「我已經減咗五磅。」
全站熱搜
留言列表
{{ article.title }}
