娛樂八掛大放送★

廖安麗昨日為第三度公演舞台劇《寒江釣雪》宣傳，她首度現身談及丈夫葉青霖正式出家及澄清因經濟問題賣樓的事，廖安麗全程表現鎮定，強調自己好幸福，從無不開心，她說：「霖師（葉青霖）唔係做壞事，唔係有第二個女人，又唔係犯法。」

其他娛樂名人影片

剛從澳洲返港的廖安麗（ Annie），隨即投入舞台劇工作，昨日她跟《寒江釣雪》一班演員在觀塘會見傳媒。一頭灰髮的 Annie明顯悉心打扮，面上掛着可掬笑容，似是叫大家不要擔心她， Annie也不停對大家說：「我覺得我好幸福！」舞台劇《寒江釣雪》中的唐雪卿同樣跟丈夫離異， Annie說：「唐雪卿係幾慘，佢老公唔愛佢又有第二個，所以我覺得自己好幸福，同霖師相愛過，家同佢嘅感情昇華，更多溝通同了解，我哋每日都會通 email，因為佛堂唔方便通電話，好似個女發燒我都會話畀佢知，佢都會即刻覆。」

放大圖片

廖安麗昨日宣傳參演的舞台劇，表示自己過得很幸福。

放大圖片

廖安麗謂丈夫葉青霖出家是一早鋪排好的事，一家都很尊重與支持。

「係好光榮嘅事」

Annie坦承葉青霖選擇出家她有點不捨，她說：「就算係個女出國都會唔捨得，係人之常情，不過我從來冇唔開心過，霖師唔係做壞事，唔係有第二個女人，又唔係犯法，只係將屋企小愛變大愛，呢件係好光榮同神聖嘅事。」 Annie已皈依佛法，但她需要時間接受，她說：「佢想出家係十幾年嘅事，記得佢 97年試過短期出家，返來之後話好掛住出家嘅日子，嗰時我仲呃自己，出家唔會咁容易，唔係剃個頭，仲要睇慧根同誠意，所以家我好尊敬佢，兩個女都好支持佢。」

賣樓只為方便

對於有報道指廖安麗的經濟出現問題，她否認說：「冇，以前嗰度交通唔方便，又啱價賣，就租間近屋企人嘅單位住，我又唔識煮飯，可以黐屋企飯食。早喺一年前霖師已經鋪排好所有嘢，佢好叻，所有嘢都係適當時候安排好晒！」 Annie表示經濟沒有問題，舞台劇完成會繼續她的義工生活，幫助有需要的人。採訪、攝影：楊潔雯


葉青霖的現代經典 20周年紀念時，廖安麗與多位藝人一同慶祝。