娛樂八掛大放送★

唔好以為世界盃過後，就唔使捱夜，今個星期好多 Game迷照舊要通頂，講嘅係新返 PS3名作《白騎士物語~光與闇之覺醒》，好多人自已煲 Game之外，仲要上網同人組隊團鬥，睇完波、仍然未能擺脫夜生活，一日有無 28個鐘？記者：許福合

8大新技能 放大圖片

好多白騎士 Fans都覺得，玩過前作，一定喜歡這集新作，除咗畫面靚啲，聲效勁啲呢類例牌升呢外，今集真係有唔少新意加入。玩戰鬥類遊戲自然離不開打鬥，而武器嘅種類當然越多越玩得過癮，今集控制嘅角色可以使用 8種武器，除一般刀劍，仲有精靈魔法同神聖魔法，每種武器仲會有指定技能，用 AC及 MP就可以發動，戰鬥時完全可當作必殺技咁出招；咁厲害嘅招數要學習自然要付出代價，角色升級時會獲得 Skill Point，技能就係用點數換取，正所謂僧多粥少，技能點都係先煲爆一樣熟用嘅刀劍，然後再玩多方面發展先係王道！

放大圖片

■裝備好多選擇，屬性配合技能會有更佳發揮。

放大圖片

■戰鬥時，魔法使用畫面相當精采。

ARC Knight變身 放大圖片

■女角都係傳統日式人設，超萌！

叫得白騎士系列，當然唔少得角色變身成騎士—— Arc Knight，戰鬥力更高之餘，最好玩仲係可以讓玩家自訂裝備，可以在專用裝備房中，安裝或升級裝備；因應不同敵人，招數一般分為斬、刺及擊打形態，設定時可專門配搭合適裝置，玩法就變得更多元化。例如遇到會飛嘅敵人，可先用弓或魔法將佢擊落，再上前埋身戰鬥；這個時候如見到敵人身上出現攻擊標誌，如斬擊、打擊、突刺，只要用指定攻擊手法，就有機會讓敵人陷入硬直狀態！這時就可以轉到怪物弱點位置攻擊，打怪 Easy好多 o架！

放大圖片

■變身成騎士戰鬥力更高，並有專用裝備。

放大圖片

■遇到空中敵人，可先用弓或魔法攻擊。

放大圖片

■見斬擊字樣，跟住出招就能讓敵人無法移動。

放大圖片

■怪獸多到似去咗動物園，升呢最開心！

Online要連線碼 放大圖片

■連線碼指定 PS3後，二手買回來可能玩唔到 Online部份。

呢類 RPG玩法一向都有既定模式，習慣咗自然無晒新鮮感！好多 Fans都睇重《白》嘅 Online模式，想同朋友組團打任務；不過今次廠方唔知係咪想趕絕二手，玩 Online需要連線碼，傳聞仲話只能在一部 PS3上使用。除此之外，這個碼亦令到好多玩家頭痕非常； Online服務開啟後，好多人發覺玩唔到！事關要進入網戰，須使用日本 PSN賬戶先連到線，你急急腳用香港戶口入 Game？咁對唔住喇，你啲 Level同武器要有重練嘅覺悟！

主機： PS3遊戲類型：角色扮演遊戲人數： 1-6人製作廠商： Level 5