Rock妹李卓庭（ Eunix）一見六代 Golf GTI，已喪讚話好車，正想與她談 DSG波箱有幾勁，她爆一句：「我最 Buy紅色車！」一頭紅髮已夠爆，再加上 Rock爆形象，誓要向大家說：「我要紅爆！」可是當處於三十幾度烈日當空，相信她不想紅爆，因為已熱爆！記者：徐影龍攝影：林栢鈞服裝提供： H&M
其他副刊影片 冷氣重要過冷酷 放大圖片 
遇着靚女抱住隻狗，十個麻甩佬有九個會伸隻手埋去摸摸小狗扮熟絡，「小心呀！佢叫賴皮，最憎人掂個頭，咬過我唔少朋友！」摩天使我養過，係外表可愛性格惡死嘅狗界表表者，呢點同今日兩位主角－ Eunix及 Golf GTI都有點雷同。看到 Eunix一頭野性紅髮，形象走中性 Rock女路線，聽過近日派台歌《美麗二線》及《噴火女》，全以狂野快歌主打，以為她粗豪過我呢條麻甩佬，但見她頻頻照顧愛犬飲水嘆冷氣，影張相寧願自己曬都要留小狗在車內，就知她內心溫柔！就如火紅 Golf一樣，外表剛陽味重，內裏又充滿溫柔體貼，「我一向勁 Buy紅色車， GTI個樣火氣十足，四條專用梅花軨又超型，四門五座位，有時同賴皮出街遊車河，又或載埋朋友同屋企人都好方便，最重要係冷氣夠勁，大熱天時幾個人焗喺車廂，冷氣弱啲都唔掂。」
睇位易 啱女仔
福士最新款 Golf GTI，來到第六代當然不只得個樣，一副 2.0L Turbo偈，簡簡單單就過 200匹，且配備雙離合器 DSG波箱，轉波順暢兼快速，就算女孩子一樣可如大男人般飆得起，「我覺得 Golf GTI幾啱女仔揸，細細架睇位易，所有按掣都好近身好就手，扭力又足夠，行起上嚟好爽，唔似拉牛上樹。剛才 Sales哥哥揸嗰轉，令我感受到咩叫推背囉，我揸嘅話一個 D波已足夠，應該唔使點用+/-波。」原來 Eunix有好多朋友都揸這類揭背細車仔，「相比下 Golf GTI個內櫳好舒服，車入面嘅梳化好軟熟，連最常用嘅天窗、 6碟 CD機、泊車鏡頭都有齊，最緊要有 GPS，事關我真係唔多熟路呢！」
放大圖片 
1.鮮紅車身襯黑色起角頭唇，火氣十足。
放大圖片 
2.梅花軨是 GTI標準配備，行起似風火輪。
放大圖片 
3. 210匹 Turbo加 DSG波箱，直路彎路都可盡情狂野。
放大圖片 
4.六代 GTI新後泊鏡頭，隱藏於車徽內。
放大圖片 
5.歐洲車冷氣已不輸蝕給日本仔，撻車唔夠兩分鐘已全車凉浸浸。
放大圖片 
6. DSG波箱齋用 D波，已快過手動轉波。
放大圖片 
7.駕駛艙佈局偏 Sporty，但不失豪華舒適。
放大圖片 
8.仿桶椅不會令人拘謹，皮料算軟熟舒服。
Volkswagen Golf GTI 放大圖片 
■ Eunix最愛紅色，將來好大機會買番架 GTI代步。
引擎： 1,984cc直四＋ Turbo馬力： 210bhp/5,300-6,200rpm扭力： 280Nm/1,700-5,200rpm傳動：六速 DSG+/-波箱 頭驅售價：$318,000查詢： Volkswagen HK（ 3698 9688） 
留言列表
{{ article.title }}
