娛樂八掛大放送★

今年書展有超過四十三位o靚模、胸模推出寫真集，而首次加入戰團的「警鐘胸」Jessica C（JC）就講到明性感無底線，明刀明槍挑戰去年的寫真女王周秀娜。對手有床上自摸3D洞房照，JC亦有典床半裸反擊，性感程度有過之而無不及。
為了保持最fit狀態，JC在拍寫真前一個月，同男友約法三章，講到明呢段時間要絕慾戒色，以防招牌警鐘胸在親熱期間唔小心刮花整傷。

獨門護胸法
來自美國芝加哥，22歲混血model Jessica C，憑住一對警鐘胸打響名堂，迅速在香港model界及娛樂圈彈起，今年暑假更殺入書展推出寫真集，胸戰一班o靚模、以及擺明賣肉的乳模。
為了這本處女寫真，JC相當緊張，落手落腳構思影相主題，又積極健身減肥，以最佳狀態示人，但最奇特獨門護胸方法，居然係拍寫真前一個月，全面禁止同拍拖兩年的男友Sergio行埋，絕慾護警鐘。
「影寫真前我會做好多準備功夫，雖然日日都有嘢做，但我會朝早六點鐘去做gym，呢段時間唔會食肉，淨係食生果，或者少少三文治，又會飲唔同嘅茶，一來可以減肥排毒，又可以relax，但最重要都係減少同男友親熱！」
（點解要咁做？）
「因為我怕大家太肉緊嘅時候，會唔小心整傷啲皮膚，到影相嗰陣有印就唔好睇。就算平日唔使做嘢，我都盡量真空，俾佢（警鐘）休息吓。」
JC經常被影到與男友當街親熱，又曾自爆愛同男友玩鴛鴦浴，要禁慾一個月，其實不易！（男友會唔會頂唔順？）
「OK嘅，男友都好支持我今次影寫真，佢愛我就唔會介意，哈哈……」
為保護警鐘避免刮花，JC犧牲男友，目的只有一個，就係要「胸贏」去年在書展突圍成功的周秀娜。

中菲美混血兒
Jessica C全名Jessica Cambensy，十四歲在母親鼓勵下，考進模特兒學校踏上天橋路，曾於紐約、日本及香港等地工作。十六歲首次來港，去年與葛民輝合作拍攝Canon廣告上位，Mix鬼妹樣加上34C警鐘胸，吸引多間廣告商邀請拍內衣廣告及行內衣騷，身價三級跳。原本在日本發展的她最後決定留港，更與同屬一間model公司，在新加坡工作時搭上，拍拖兩年多的巴西籍模特兒男友Sergio在港築愛巢。
全名：Jessica Cambensy
出生日期：1988年8月14日
身高：170cm
三圍：34C、24、34
學歷：Maine West High School
國籍：美國
背景：父親（美國人）、母親（中、菲混血兒）、一兄及兩妹
曾拍廣告：McDonald's（日本）、Au Kddi電話（日本）、Canon打印機、Wacoal內衣、Pearl de Beaute、嘉士伯、Revlon、adidas等廣告

裸照迎戰
其實周秀娜同JC都視對方為競爭對手，當知道JC警鐘胸來勢「胸胸」，周秀娜就自封「鬧鐘胸」死撼，又事先張揚會著住喱士底裙瞓床影3D洞房照，JC要超越對手當然要更激，影了一輯半裸典床照還擊。相中可見，JC上半身赤條條，下半身只著住一條超薄透視短褲，在床上擺出唔同角度動作，而每次只僅僅將重「點」遮住，東南西北半球完全呈現出來。
「影呢輯相嘅時候Jessica好搏，完全唔使打底又冇黐任何膠紙，好似唔怕走光咁，不過佢好勁，每次啲pose都擺到啱啱好唔會走光。」幕後工作人員透露。
問到JC第一次影寫真就去到咁激，有冇唔習慣同尷尬？
「話唔尷尬就呃你嘅，不過喺現場我真係表現到無乜嘢咁，因為我知如果我嘅動作唔自然，其他工作人員就仲尷尬，到時影響到相片質素就大件事，同埋我好信任呢班工作人員，唔會影我走光相，所以我好放心。」JC說。

護胸大法
圈中大胸女明星，由早期的波霸葉子媚到朱茵，護胸各有妙法。

葉子媚　買胸保
91年始祖級波霸葉子媚創先例，以二百萬為巨乳買下保險，但翌年結識了醫生男友後退出娛樂圈，四十多歲的她近年常以師奶look放狗，36F巨胸不再，人老縮胸。

彭丹　搽嘢
36C的彭丹自稱跳舞時會「戥」到個胸好痛，為怕大胸下垂，丹丹話每日會做胸部運動，例如擴胸同拱橋，亦會搽firming cream，仲話由十七歲搽到而家。

舒淇　戴Bra瞓
為保持上圍堅挺，舒淇透露每日會花半小時做挺胸運動，一星期會有三至四晚戴專用胸圍睡覺，以保胸挺不下墜。

林志玲　大力按
擁有34C上圍，林志玲特別多豐胸妙法，包括飲生雞蛋溝豆漿，中午喝用豆煮的湯。食豐胸丸和做豐胸療程，塗抹豐胸霜，然後每天按摩，她特別推薦「洗澡時要順便按摩胸部」，而且一定要按到痛為止，最後仲要用冷水由下往上沖，她亦有為雙峰買重保險。

朱茵　游水
35D過氣波神朱茵，近年被拍到胸部有下垂危機，她也堅持每晚自行按摩胸部十五分鐘，然後不戴胸圍睡覺，另外每星期游水兩三次，每次一個多小時，做運動健胸。

埋身鬥波
至於傳媒經常將她與周秀娜及一眾o靚模互相比較，JC表示唔多高興：「我唔想同人比，大家各有各好，其實我今次本寫真集，着重性感同美感，唔會專登著啲細碼衫唧啲肉出嚟咁cheap，之前聽記者講，有model自拍非禮短片，我覺得好crazy，我就唔會為咗出位去做呢啲嘢！（有冇睇周秀娜嘅寫真集？）之前有睇過，不過我自己比較鍾意High end fashion嘅嘢多啲。」
JC同周秀娜由書展打到上大銀幕，八月將會一齊拍攝電影《熱浪球愛戰》，戲中二人會互鬥好波，分別飾演沙灘排球高手，鬥球技再鬥身材。
「依家已經開始練波，我同Chrissie（周秀娜）都見過幾次，不過因為練習時間唔俾傾偈，所以我哋唔係好熟，我覺得佢個人都幾好，應該同我一樣，係啲唔係妒忌心重嘅女仔，希望到拍戲嘅時候會傾到多啲偈啦。」JC說。

寫真大戰
書展一到，群模「胸」湧而出，鬥個你死我活，不過仍然有人背道而行拒賣性感。

高清組　Angelababy《Pardise》$138
揚言最後一年出寫真的Angelababy，繼續走高檔路線，遠赴關島取景，大玩性感有型路線。

賣奶組
Carol（楊梓瑤）《Huge》$98
「浸大E神」Carol寫真在峇里取景，全程穿了過百套加細碼比堅尼任影，更參考日本鹹書擺pose，「冰鎮E奶」、「內衣啜意粉」，極度意淫。

周秀娜《Les Vacances d' Amour》$128
去年食雪糕、刷牙滴泡出晒位的周秀娜，今年再出招玩「咬腸仔」、「半裸3D洞房」，挑戰性感極限。

微波組
傅穎《about her》$128
胸口平平無奇的傅穎，今年亦盡地一煲，由日本著名色情攝影師米原康正操刀，以人體肢解的手法拍攝，展示另類性感。

A. Lin & DaDa《Kiss Enough》$98
A. Lin、DaDa拍住上名為「Sugar Beez」，二人雖然事業線欠奉，但在寫真中大玩斷背情，齊齊出浴，濕身誘惑同樣有睇頭。

大堆頭組
新八模《8模美女館寫真集Vol.2》$98
由Rika、Vibeke、Hidy、Hazel、Suki、Betrys、Jeana、Mia大堆頭製作，8模均以水著示人，一次過睇晒8個，抵。

今次寫真被禁在書展搞簽名會，JC十分失望，所以她考慮會混入書展與fans近距離接觸。

鬼妹仔JC唔鍾意黐乳貼，只係用床單遮住重點就算。

要裸露演出，JC表示唔習慣之餘更要催眠自己無人見到，先可以放盡演出。

師姐Anna R擔任pose指導，引導JC擺出誘惑動作。

JC同巴西籍男友Sergio經常公開親熱，要他們絕慾一個月，相信十分難頂。（《蘋果日報》圖片）

激過周秀娜
娜姐在寫真中有3D洞房照，但性感程度稍為失色。

與葛民輝拍Canon廣告開始被人認識。

因為拍內衣廣告，乍現警鐘胸，令她一舉成名。

㩒響警鐘
JC表示，呢輯boxing相影得十分辛苦，全程對手唔可以放低之餘，全身要搽晒BB油，搞到黐先最難頂。

影相前JC會爭取時間做拉筋熱身運動，方便隨時擺出難度動作。

其中一個造型JC要扮日本藝妓，更用了四個鐘在背脊紋身。

有報導指JC在上半年已賺到八百萬，日前她在商場活動中踢波踢到露底，成功奪得報紙頭條，難怪工作不斷。（《蘋果日報》圖片）

水戰
今次是JC首次在水中影相，她表示今次一次過影晒一生人落水quota，所以在短期內都唔會再落水影相。

由於連續八個鐘頭浸在水中，浸到JC頂唔順嘴唇發紫。

除咗浸水，亦有不少淋水鏡頭出現。

Jessica C反擊周秀娜 禁欲戒色怕刮花

今年香港書展有超過43位靓模、胸膜推出寫真集，而首次加入戰團的“警鍾胸”Jessica C就表明性感無底線，明刀明槍挑戰去年的寫真女王周秀娜。對手有床上自摸照，Jessica C就半裸反擊，性感程度有過之而不及。

爲了保持最佳狀態，Jessica C在拍寫真前一個月同男友約法三章，說清楚這段時間要禁欲戒色，以防招牌警鍾胸在親熱期間不小心刮花弄傷。