娛樂八掛大放送★

被外界指稱質素較去年高的港姐候選佳麗，連是非也比去年多。自稱遭二世祖中傷的是非港姐12號湯寶珍，為出位屢次犯規，植眼睫毛、墊Pad、戴大眼仔，最近更出陰招先拔頭籌得「時尚目光獎」，令其餘十四位佳麗對她愈來愈不滿，甚至當對方隱形「冇偈傾」。

攞獎有分加
下月一日舉行總決賽的《香港小姐競選》，宣傳活動浪接浪；當中包括贊助商的冠名獎項選舉，由於勝出者不但有獎品，還有獎金，加上部分是有名銜的獎項，直接影響決賽分數，所以眾佳麗均使出渾身解數，爭取獎項。
在早前的「時尚目光獎」選舉中，是非港姐12號湯寶珍在一票都無的情況下，卻因為行Catwalk夠出位而奪獎。為此，佳麗憤憤不平，認為賽果不公。
「彩排嗰陣，導師叫我哋行『有框眼鏡』斯文啲，『太陽眼鏡』就要豪放啲。我哋聽晒導師指示，但佢就（湯寶珍）倒轉嚟做，評判睇落自然會覺得佢突出囉！我哋覺得好唔妥，唔聽話反而有獎攞，咁以後我哋仲應唔應該聽導師講。」參賽佳麗爆料說。

說話冇句真
據知，人緣極差的12號號湯寶珍經常「冇句真」，例如她向同組佳麗透露自己會在才藝比賽試演中跳爵士舞，但最終卻是跳肚皮舞，出奇制勝。「演嗰陣佢著Bra Top跳肚皮舞，露晒波罅，但監製嫌佢性感得滯，連試兩次，監製都話唔得，佢先死死地氣改為表演廚藝。」
此外在工作人員眼中是個不遵守規則的麻煩友，而同組佳麗對她更加不滿，即使同一組，但大家都「冇偈傾」。

嚴重公主病
由於，今屆有唔少嬌生慣養的富貴佳麗，以年紀最小的8號彭慧中「公主病」最為嚴重。「喺印度返香港嗰轉最好笑，佢望住個行李箱話唔識執喎，又話平時都唔使佢做呢啲嘢，冇諗過選港姐咁辛苦。」
另外，大熱門11號李文煊亦曾向相熟的佳麗講自己無興趣參加港姐，只是依從爸爸的安排，而她與名人張天愛一啲都唔熟，至於填報強項是跳舞，其實也只得半桶水。
唔怕俾人篤背脊，11號李文煊果然唔志在。

本來想表演肚皮舞，不過因舞衣過分性感，被勒令表演煮嘢食。

湯寶珍（左）被其他女仔指鍾意收收埋埋，所以冇乜朋友，一班女仔在化妝間玩影相，她亦只有企在外圍得個「睇」字。

湯寶珍奪《時尚目光獎》，一班女仔就質疑唔聽話反而可以攞獎。

14號李依嬿
奪「才藝獎」的14號李依嬿跳孔雀舞，9號李雪瑩玩倒立，以及15號張秀文表演中國舞，全部舞衣都穩陣唔暴露，難怪要突圍著bra top跳肚皮舞的湯寶珍被無綫唔准跳。

9號李雪瑩

15號張秀文

11號李文煊有富爸爸和張天愛力撐，初見傳媒便獲優待，穿與別不同的連身裙亮相。（《蘋果日報》圖片）

來自富裕家庭的李文煊，初到印度拍外景，一時感觸落淚人前。

8號彭慧中
樣子甜美可人的8號彭慧中，才藝比賽期間竟然有fans現場支持。

2號張莉莎表演最拿手的魔術，可惜不敵14號李俍嬿的孔雀舞。

5號莊思明
莊思敏和舅父江道海出席港姐才藝預演活動（下圖），為妹妹5號莊思明打氣。

是非港姐出陰招 12號湯寶珍放假新聞奪獎項

被外界指稱質素較去年高的港姐候選佳麗，連是非也比去年多。自稱遭二世祖中傷的是非港姐12號湯寶珍，爲出位屢次犯規，植眼睫毛、墊胸墊，最近更出陰招先拔頭籌得“時尚目光獎”，令其余14位佳麗對她越來越不滿，甚至到對方隱形。