娛樂八掛大放送★

去年 4月誕長子長治
Isabella去年秘密在加拿大誕下長子長治，兩個月後才公布喜訊，並向傳媒發放全家福，震動全港。休息半年再造人成功，上月底連生兩個，果然後生好生養。"
生仔機器
6月尾早產　恨死徐子淇　梁洛施美國生孖仔
2010年07月14日
曾幾何時，港女個個恨做徐子淇，不過幸福滿瀉的千億新抱都俾單親童工出身嘅梁洛施（ Isabella）爬埋頭，獲身家贏一截的小小超李澤楷萬千寵愛、於去年一索得男， BB有份繼承千億李家王國。
近日，本刊還收到可靠獨家消息，指 Isabella上月底於美國再度臨盆，早產誕下一對孖仔，連產量都遠遠拋離三年抱兩的徐子淇！難為恨仔恨到發燒的徐子淇搞到要中西合璧仲要飲鹼水，努力大半年仲係得個桔！
22歲梁洛施誕下囝囝長治後，最後一次在港露面，是今年一月低調欣賞鄭秀文尾場演唱會，置身人群中的 Isabella雖然早被傳媒發現，但仍無阻她睇 concert，除淡定面對鏡頭外，其實當時已懷有近三個月身孕的 Isabella還跟住偶像又唱又跳，其後，李澤楷隨即安排女友與兒子返回加拿大多倫多安胎。
 
今年 1月遮肚
Isabella今年 1月在香港最後露面時，身穿杏色外套遮掩身材，原來當時的她已懷上孖胎近三個月。
 
中葡混血兒嘅 Isabella女家有生孖胎遺傳，亦令她喜獲孖仔。《蘋果日報》圖片
 
EIsabella生完長治坐完月不久，已與李澤楷成功製造愛情結晶品，仲要係起孖，睇嚟小小超真係好愛 Isabella，女嘅要努力收身啦！《蘋果日報》圖片
 
本週一（１２日），對於早產誕下孖仔喜訊，梁洛施發言人盧覓雪對本刊說：「冇回應！因為上次都冇特別回應過。」《蘋果日報》圖片
 
公事繁忙外家中亦再雙喜臨門，往日有朝朝清晨先打轉高爾夫球習慣的李嘉誠，據悉農曆新年後已經少執球棍。《蘋果日報》圖片
 
上週六（ 10日）下午一點，李嘉誠從其深水灣大宅外出，有保鑣查問記者等候目的後表示老闆拒絕採訪，更向老闆車（箭嘴）恭敬鞠躬。

女家遺傳生孖 B
Isabella今次有幸懷孖胎，全屬她女家家族遺傳所致，知情者透露：「 Isabella嗰邊啲親人試過生孖胎 o架喇！所以起初傳佢有咗，啲人都傳佢係有龍鳳胎囉！」而她一直被安排住在多倫多避世，長子李長治亦是去年 4月在多倫多綜合醫院出世，今次幸運地佗孖胎，小小超本來亦打算讓 Isabella在當地生產，不過自從今年 3月傳出 Isabella再度懷孕的消息，傳媒關注度不減反增，甚至有人主動向傳媒報料，目睹腹大便便的她與李澤楷在多倫多波爾街十指緊扣甜密散步。臨近生產，小小超才秘密將 Isabella運至美國，而 Isabella亦比預產期提早誕下孖仔。
小小超美國陪生
據知情人士透露，生產前已飛往當地陪着 Isabella的李澤楷，待孖仔出世後幾日才於本月 2日返港，處理公務之餘亦順便將好消息告訴父親李嘉誠及親友。
再做爺爺，更喜獲一對寶貝男孫，記者上週五在深水灣高爾夫球會等候，卻不見一向有打早波習慣的超人。據游泳常客透露，農曆年後已經少見超人出入。加埋長治，本來已經有三女兩男親孫，現在又一次過添一對，兒孫滿堂的超人時間自然又少啲啦！
超人兩子六孫

鹼水子淇有排追
三年抱兩，可惜兩個金叵羅都係囡囡，千億新抱 5月出席活動時，公開表示唞夠一年開工繼續追仔：「屋企兩個都係女，梗係想生仔啦！屋企有個男仔會開心啲，我又鍾意大家庭，所以打算生好多個！」子淇更坦白除咗自己，老爺、家人都搜集不少生仔秘方：「有三吋厚，我會一次過試晒佢！主要係配合飲食酸鹼度同埋日子，我已經飲緊一啲含鹼性嘅水同寶礦力，老公就要食多啲肉！」恨到出面，子淇仲話問過醫生開刀生產最多五次咁話。嘩，若果下一胎又係女，子淇有排唔使收工喎！
 
去年 8月，子淇為細女晞兒搞「三月宴」時，四叔李兆基抱孫心切，繼續催新抱生仔。《蘋果日報》圖片

梁洛施美國生雙胞胎兒子 徐子淇眼紅嫉妒

曾幾何時，香港女人個個想做徐子淇，不過幸福滿瀉的千億媳婦都被單親童工出身的梁洛施(Isabella)風頭蓋過，獲身家贏一截的小小超李澤楷萬千寵愛、于去年一索得男，BB有份繼承千億李家王國。

近日，據可靠獨家消息指梁洛施上月底于美國再度臨盆，早前誕下一對雙胞胎兒子，連産量都遠遠抛離三年生兩個的徐子淇。難爲想生兒子想到發燒的徐子淇到處搜集生子秘方，努力這麽久還是沒收獲。