入口滿是蛋香，車厘茄加重鮮味及水分，唔會食到 dry。

潮𡃁便當

出爐 Pizza狂熱

2013年02月13日 ~~ 第299期 Face

無論三五知己食 tea、抑或成班人聚餐， pizza都是首選之一，最近，除了傳統意式口味，餡料及餅底亦多了新嘗試：有配鴨胸、牛肉及三文魚，超 fushion；用上麥批底，走健康路線，唔使下下倒模般食連鎖店，食 pizza，又多了選擇！

Fushion新口味　溫泉蛋 pizza

Pizza上面加嚟加去都係意大利 ham，就算再好食，你唔厭我都厭，最近市面就出咗一啲 fushion口味，韓式燒牛肉配 pizza、北京填鴨味 pizza，好似 pizza加日本蛋，貪新鮮又嘴刁者，等咩？

A：女皇薄餅加蛋$178(10.5")

餅底：意大利 00號麵粉製、以麵粉極 fine及細滑見稱。
厚薄： 0.5cm
材料：日本雞蛋、車厘茄、 buffalo水牛芝士、羅勒
製造方法及特點：用上意大利的 Wood-stone焗爐加熱至 250-300度焗 5分鐘，由於爐底是火山石物料，散熱能力強，能令薄餅焗得外脆內軟。

B：韓式牛肉薄餅$62(7")

牛肉用上自家調配的燒烤汁去燒，甜甜哋帶烤香，配以惹味洋葱，好香口，若然肉塊再大一點更佳。

餅底：意大利 00號麵粉製。
厚薄： 1cm-1.5cm
材料：韓式燒牛肉、蘑菇、洋葱、水牛芝士
製造方法及特點：用上自家搭製的意式傳統磚爐焗成，磚爐能加熱至 350度以上，焗 3分鐘即可，帶焦脆。

B：北京烤鴨薄餅$62(7")

醬汁香甜，加埋大量京葱，感覺就好似食北京填鴨落青又落甜醬一樣，只不過餅底更好咬。(b)

餅底：意大利 00號麵粉製。
厚薄： 1cm-1.5cm
材料：鴨胸肉、青瓜、青葱、海鮮醬
製造方法及特點：用上自家搭製的意式傳統磚爐焗成，磚爐能加熱至 350度以上，焗 3分鐘即可，帶焦脆。

Al Forno Pizzeria店主： Alvin, Horace& Alex

我哋特登喺美國同意大利訂咗防火磚，用了 1個多月時間搭爐，用磚焗的 pizza，通常帶焦香。

傳統之星　角仔 pizza

似係新款實質地道到爆的拿坡里角仔 pizza，外表平平無奇似角仔，實則入口包住勁多餡料好似番茄、蘑菇，今次在 Pizzeria Station之內搵到，非常驚喜。未儲夠錢去意大利之前，有拿坡里、代表威尼斯的海鮮 pizza，幫你頂住肚先！

D：經典芝士薄餅$30/片

款式乃意大利最傳統，唔加任何肉，芝士香濃大份，餅底腍較有嚼勁。

餅底：意大利 00號麵粉製。
厚薄： 1.5cm
材料：水牛芝士、番茄醬
製造方法： Pizza爐加熱至 230度焗 5分鐘。

C： Calzone$160(22")

意大利拿坡里好典型的 pizza款，感覺似食緊一隻巨型角仔。(c)

餅底：意大利 00號麵粉製。
厚薄： 1cm-1.5cm
材料：茄子、意大利瓜、意大利番茄、青紅椒、蘑菇、水牛芝士
製造方法：不銹鋼面 pizza爐加熱至 240度焗 4分鐘。

D：香草串燒雞肉薄餅$45/片

烤雞肉較嚡，但勝在夠惹味，青紅椒番茄好 juicy。(d)

餅底：意大利 00號麵粉製。
厚薄： 1.5cm
材料：土耳其烤雞肉、青紅椒、番茄、洋葱、水牛芝士
製造方法： Pizza爐加熱至 230度焗 5分鐘。

A：雜錦海鮮薄餅$175(10.5")

魷魚香味最突出，入口有嚼勁，其他海鮮配料亦焗得唔乾身，得以保留個別鮮味。

餅底：意大利 00號麵粉製。
厚薄： 0.5cm
材料：蝦、蟹肉、魷魚、扇貝、車厘茄
製造方法： Wood-stone火山石爐加熱至 250-300度焗 5分鐘。

即場試食：食客阮先生

芝士味可以再濃，但好食呀！

貪靚首選　低卡麥批底

一班人有男有女食 pizza，女生最蝕底，一件起兩件止好快飽又怕肥，不如三個女仔一個墟結伴同食卡路里較低的麥批底同以蔬菜為主的 pizza，好味之餘又健康，罪惡感掃光。

C：素菜薄餅$32/片

雖然全為蔬菜，但有橄欖鹹香調味，加上材料入口 juicy，好 fresh，香口得來唔膩，有驚喜！

雖然全為蔬菜，但有橄欖鹹香調味，加上材料入口 juicy，好 fresh，香口得來唔膩，有驚喜！

A：意大利煙肉薄餅$158(10.5")

入口帶車厘茄 juicy，餅底勁薄且帶麥香。

餅底：意大利全麥粉製，帶豐富纖維，麥粒大，口感多。
厚薄： 0.5cm
材料：意大利煙肉、車厘茄、 buffalo水牛芝士
製造方法： Wood-stone焗爐加熱至 250-300度焗 5分鐘。

PizzaZaZa師傅楊澤洲

由於麥粒較粗，搓皮時好容易碎，所以我會加入適量的水及麵麥去搓，但用水不能過度，否則會影響麥底香味。

E：煙熏三文魚烤餅$168

印度式傳統薄餅，由於三文魚味道較淡，而且印度食物味道亦以濃烈為主，所以通常會配埋由羅勒、松子、橄欖油、香菜、芝士等材料混成的醬汁同吃。

餅底：意大利麵粉
厚薄： 1.5cm
材料：蘇格蘭三文魚
製造方法：印式天多利爐加熱至 250度焗 15分鐘。

A： PizzaZaZa
地址：大坑浣紗街 7號地下
電話： 2881 8287
營業時間：星期一至日： 12nn-11pm

B： Al Forno Pizzeria
地址：中環鴨巴甸街 41-49號金豪大廈 2號鋪地下
電話： 2898 3833
營業時間：星期一至四及日： 12nn-11pm；星期五、六： 12nn-12mn

C： Pizzeria Station
地址：尖沙咀山林道 15號地下 B2號鋪
電話： 2736 0060
營業時間： 11am-11pm

D： Big Pizza
地址：中環蘭桂坊 5號地下
電話： 2522 7444
營業時間：星期一至日： 12nn-12mn

E： Cafe Deco
地址：山頂山頂道 118號山頂廣場 1-2樓 101及 201號鋪
電話： 2849 5111
營業時間：星期一至四及星期日： 11am-11pm；星期五、六： 11am-11:30pm