新婚冇耐 嘅 YoYo，雙下巴無所遁形。不過都要快減喇，事關下月就要為王維基電視台嘅新劇開工。
FBI
煮婦蒙嘉慧幸福雙下巴
鄭伊健同蒙嘉慧（ YoYo）上月 28號 喺東京秘密結婚，開始二人 嘅新婚生活。 FBI見過唔少女人，一結婚就因為心情靚，所以心廣體胖， YoYo都唔例外。週一（ 4日） FBI行去中環 ifc撞到鄭太同有份去飲嘅司儀老友周子駒 喺 city'super買餸， FBI發現鄭太比之前肥咗，垂低頭揀日本木瓜嗰陣仲唔覺意露咗雙下巴。
FBI見佢將木瓜攞上手又揸吓，又睇吓 嗰底好有研究咁款。最後仲買埋法包同火腿， FBI即刻問鄭太係咪煮畀老公食呢？佢笑晒口：「家常便飯 啫！」之後急急腳鬆人，趕住返屋企煮飯，幸福就喺咁簡單！
YoYo對所有食物都要揀過先買，就連牛油都要問吓身邊好友周子駒。證明佢係一位講究主婦。
喺超市行 咗成個鐘， YoYo最後買 咗成大袋。大部分係健康食材，伊健有口褔啦！
經常下廚嘅 YoYo冇乜上載「作品」相上微博，但就上載過喺農地嘅摘菜相，仲話摘完要跑返屋企煮，好鬼溫馨。網上圖片
結婚 3日，伊健即刻開工，被問到幾時生仔，佢就話未咁快。
伊健、 YoYo前週三（ 30日） 喺東京結婚，發相中 YoYo笑得超甜，下巴仲好尖㗎！不過新婚幾日即脹晒！
前度恩愛
咁蹺，喺伊健同 YoYo結婚前一個星期， FBI喺半山發現伊健舊愛梁詠琪同老公 Sergio恩愛放狗，各自搵到終生幸福，皆大歡喜。 
全站熱搜
留言列表
{{ article.title }}
