張晉服侍皇后公主
蔡少芬舉起食指眼睥睥，連八嚿腹肌的張晉亦被嚇窒，一臉驚恐望住老婆。
真面目
蛇 B大晒 避小產唔出城 蔡少芬佗巨 B 6月行花市心火盛
懷第二胎 6個月的 39歲蔡少芬，多得內地電視劇《甄嬛傳》帶挈工作量大增，大住肚都要中港兩邊飛。去年 10月曾一度胎盤撕裂，下體大量出血，幸好蔡少芬與腹中胎兒均無大礙，母子平安。
見過鬼怕黑，入院休養了兩星期後，蔡少芬每次外出都格外小心，大部分時間亦要因《一代宗師》成名的老公張晉傍實。雖然未到預產期，但據知蔡少芬已決定新年期間停工安胎，一家人留港過年。週四（ 7日），蔡少芬把握機會出街辦年貨，其間作嘔，更行到面 燶 燶要老公 氹番。佗 B佗到咁好火，張晉幾好打都要焗忍！
巨肚芬躁遊花市
身為虔誠基督徒的蔡少芬，去年 12月在佈道會上講見證，親證佗第二胎期間一度作小產。「當時我佗緊兩個幾月，我帶住楚兒一齊坐飛機，點知上飛機後覺得好唔舒服， feel到我下體 啲血流到叭叭聲，當時我覺得好暈，好擔心個 B就咁冇 咗！」後來證實是胎盤撕裂，要立即住院兩星期。
餵到埋口
對住楚兒，蔡少芬即變回慈母，親手餵女兒食魚蛋。
大肚婆情緒易波動，發完脾氣又冇事的蔡少芬，溫柔地餵孭緊楚兒嘅老公食棉花糖，一家三口非常溫馨。
爛賭媽冇兩句
《蘋果日報》圖片
蔡少芬母親（中）曾因爛賭欠下巨債，要蔡少芬幫手還，去年亦被拍到流連賭場。當日兩公婆甚少與蔡母交流，老人家最多都係撩乖孫玩。
人迫黑面
有驚無險，蔡少芬其後繼續接 job，但一定要經理人或老公相陪。週四年廿七（ 7日），蔡少芬再次出動，挺住巨肚出街買年花。下午 5點幾，張晉車埋老婆同兩歲大女楚兒，由元朗錦綉花園出發，中途接埋爛賭外母黃素梅，一家五口到鄰近花場睇花。
行了幾個圈都唔 啱心水，張晉轉場到元朗橫洲花市再睇。當日素顏的蔡少芬，最初推住楚兒同老公睇蘭花，可能人多擠迫，蔡少芬行了一陣已面黑黑唔耐煩，經常手指指發表偉論，而張晉就頭耷耷唔出聲，連芬媽都唔敢多口搭嘴，氣氛緊張。
現巨肚
週五下午約 3時，蔡少芬與張晉到金鐘辦理證件，見到記者即時笑笑口，心情大靚。
新年快樂！（真實對白）
全程安全至上坐後座的蔡少芬，等車期間凸出 6個月巨肚，腹中 BB快高「長大」。
留港安胎
憑《一代宗師》馬三一角彈起，張晉早前拍埋 MV準備出碟殺入樂壇，現時亦傾緊幾部電影，長拍長有。
大肚婆易心火盛，好在亦快平伏。發完小脾氣，蔡少芬又回復慈母 look，不斷撩楚兒玩，又買魚蛋餵女，再餵老公食棉花糖，同幾分鐘前的河東獅吼直頭兩個樣。
據知近月不停四圍飛搵奶粉錢的蔡少芬，將會與家人留港過年，柏林影展正在德國舉行，張晉亦犧牲了為開幕電影《一代宗師》行紅地氈的機會，寧願陪老婆在家安胎。
停工小休，蔡少芬週五（ 8日）與老公去金鐘辦旅遊證件時，亦承認會留港度歲，「（新年會唔會去玩？）唔去喇，唔去喇，多謝你哋！（預產期幾時？）唔講喇！新年快樂！辛苦晒！」
自爆佗女
曾經因胎盤撕裂引致下體大量出血的蔡少芬，月前做見證時，除了親述作小產的痛楚外，更忍唔住自爆今胎又係女，「我照超聲波嗰陣，見到個 BB成個跳起，嚇到我係咁喊，唔知 BB有冇事，醫生就話：『 BB，你跳多 啲郁多 啲，你媽咪好驚。』……我個女呀，你嚇死媽咪啦！」佗得咁驚險，難怪蔡少芬都話生埋呢個收爐啦！
買完西餅，蔡少芬佗住 6個月 B一臉倦容，要一路行一路托住個巨肚，見到都戥佢辛苦！
一度因胎盤撕裂要入院的蔡少芬，痛到要聞「笑氣」止痛。
留言列表
{{ article.title }}
