一齊讀書打波，再攜手互rap對唱，令香港人更認識何為hip hop，農夫不只共度12年組合時光。今年一個忙於湊女、一個則做監製， 但兄弟情更勝千金，七月開賣的第9隻碟《雙起臨門》， 繼續挑戰社會傳統思維，陸永同C君絕對能堪稱戰友。


6：陸永　C：C君


想囡囡長大後，像爸爸唱出自己對社會的不快嗎？ 6：佢考試肥佬無緊要，但品德方面我一定會嚴，重情重義好緊要，心地好就係人都會錫。 陸永你最近忙湊女，邊有時間唱歌？ 6：係呀，所以同你傾完我就要跑返屋企湊女。佢就4個月大喇，當初諗住同佢擺百日宴，但錄音太忙，所以一推再推，哈哈，都唔知會唔會推到一歲先擺。


自'10大碟《奇蹟》後，只在電視上看見你們，你們在轉型嗎？
6：陸永自上年電視節目《撳錢》及《700萬人的數字》，其餘時間都在錄音，最近簽約星煥（欣宜同公司），大家想放多點時間在音樂上。

C：C君7月出大碟外，8月就會搞個唱，個唱亦唔會似上年棟篤笑足1個鐘，亦會揀九展搞，個場細啲，氣氛也緊湊啲，山頂歌迷都聽到嘛。


C君上年加入的創作團隊The Island也忙於作曲？ C：我最近忙打電子遊戲《Diablo 3》喎，出嚟做訪問前仲打緊，去到level 30喇（只60 level）。The Island係因為我們成班都愛睇電視劇《LOST》，入面個島乜都有可能發生，就好似我們4口子一樣。作為監製，最明白一首曲的好，除了詞，編曲都要同樣的好。 每次出碟都會吐社會不快，是次第9隻碟《雙起臨門》，想吐甚麼？ 6：好記得'05我們有首〈十七年華〉，真人真事講家庭性暴力，聽完好多歌迷話正，今次大碟，就係想反抗一代傳一代的錯誤價值觀。〈你的自願〉講少時大家考試都答過的考題「我的志願」，我唔明點解一定要答職業落去，而唔可以答「我嘅志願係想爸爸媽媽幸福快樂」。此曲就是想推翻傳統觀念的一例子。 C：其實啟發我們這樣改變係黃子華，佢每個talk騷我們都有去睇，勁就勁在他不是金句王，佢無金句俾你quote到，反而要睇晒整個騷後你會感受到當中的哲學。我們都想個迷唔只聽一部分就算。


新曲〈同伴〉，截稿前903排行榜首位，可以講一件你們「好同伴」的事嗎？ C：之前舊公司，成日俾Edison鬧我哋寫歌慢，我地都一齊唔出聲，大家搭晒膊頭支持大家。 6：好難喎呢個問題。唔……有年，C君見到我俾車撞，奮不顧身推開我，佢雙腳撞至重傷，結果要切咗佢，由本來2米高變到𠵱家咁。 ……農夫呀農夫，你哋真係大唔透，真正最佳爛gag戰友！ ####


 


最近囡囡飲奶，就即刻「bu」晒出來，原來係婆婆之前同佢玩「bu嘴」，陸永無鬧佢，仲覺得好好笑。見住佢一路講一路甜笑，有女萬事足。


幕後創作班底The Island，成員包括細So、監製徐浩及Randy 。早前曾為洪卓立新碟作曲。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄