男友Bolie
送走朋友後，林莉同男友Bolie返回深井海雲軒，一落車Bolie已經自己標入大廈，唔使等林莉開門， 明顯嚟慣。
千金不換 拋個身入娛樂圈無非想名成利就，終極目標嫁個有錢人。
不過凡事有例外，32歲林莉雖然之前傳有富商照顧，出入又有名車接送，一副上岸格衣食無憂，但查實林莉原來一直對離離合合嘅男友兼經理人黃偉雄（Bolie）不離不棄。公私兩便，本刊更發現其經理人男友報住地址只在葵涌公屋，但卻不時進駐林莉月租的深井寓所日夜相對。林莉既為男友狂出騷賺錢，又全包宴服待男友，呢個女友真係100分！
林莉05年港姐出身，09年忽然唔再踎喺無綫，並傳獲神秘富商W睇中，升呢出入有馬莎拉蒂，又搬去大埔獨立屋比華利山豪宅。雖然最後富商斬纜，不過林莉已經成功升呢，由霉港姐變為搶手model。
矮一個頭
林莉成功上游，除咗神秘富商帶挈，最大功勞係現任經理人黃偉雄（Bolie），據知二人早年本為戀人，不過林莉仍然難忘男友，故一直保持聯絡，之後Bolie更成為其經理人，二人最終翻撻。矮女友成個頭嘅Bolie一直幫林莉接job之餘，自己亦抽佣有收入，林莉變相貼仔。查實Bolie雖然名為開模特兒公司捧女友，但實情Bolie公司報住地址在葵涌安蔭邨公屋單位，有米極有限。
深井同居
前週四（31日）林莉與Bolie及朋友到跑馬地平價食肆上海弄堂食晚飯。雖然Bolie係林莉男友，不過全程同林莉刻意保持距離，離開時更幫林莉攞手袋，做足經理人本分。其後林莉跟男友一齊搭的士放低友人後，二人再直駛林莉月租約萬二的深井海雲軒住所，上埋樓過夜。不過Bolie就否認同林莉翻撻，他在電話回應：「我有走（深井），你哋無影咋，我同林莉只係經理人同artists關係。」難得女友咁為自己，做乜唔認啫！
霉港姐變名模
05年港姐林莉（同屆冠軍葉翠翠），原本被無綫投閒置散，06年底約滿後曾經喺廣告公司做白領，間中兼職主持節目，傳被W富商睇中後，除有名車接送兼有靚樓住外，林莉亦變身模特兒，經常出騷。之後更推出《冷靜與熱情之間》寫真集，企穩名模位，近半年密賺21個騷。 ####
齊齊返閨
前週四林莉同Bolie（右）及兩位友人到跑馬地一上海菜館食飯，Bolie個款成個助手咁，唔講真係唔知係林莉男友。
唔介意矮
身為林莉經理人嘅Bolie大約30幾歲，不過已經中年發褔，又矮過林莉幾乎成個頭。林莉都唔介意，真係好女仔！
翻版志玲林莉有「翻版林志玲」之稱，5'10高，33C上圍，難怪傳有富商嗒糖。成功升呢後，連早前出席無綫《飲食天天頒獎禮》任頒獎嘉賓時，司儀鄭裕玲都稱呼她為超級名模。《壹週刊》圖片
盡心盡力 Bolie身為林莉男友兼經理人，做事特別上心，每逢林莉有活動，事前一定會親身致電各報紙雜誌記者，唔怪得林莉咁錫佢啦！《蘋果日報》圖片
放棄名車 09年林莉被拍得忽然富貴，除由青衣公屋搬去大埔比華利山外，出入更有價值180萬的名車馬莎拉蒂接送，有指係富商W為幕後老闆，不過該名車登記公司卻為快意汽車公司，即馬莎拉蒂母公司。《壹週刊》圖片
林莉現住深井海雲軒，月租12,000，林莉咁多job住得起有餘啦！
林莉所屬公司VIP，男友黃偉雄Bolie有股份，報住地址為葵涌安蔭邨，唔算太有米喎！
留言列表
{{ article.title }}
