約會新女Janine（右）斷正，Edison最初仲肯交戲笑晒，但影多兩影即扯火，當住女方面喪鬧記者，懶型扮晒護花使者。本刊事後致電Janine，但對方一聽見陳冠希個名即以「我做緊嘢好忙，拜拜！」隨即收線。《蘋果日報》圖片
換畫快 無女不歡的31歲陳冠希（Edison），上年速食當時只得16歲的「女版Nel Nel」Cammi（謝芷惠）後，再向台灣辣模Nita及港模Suki出手，食模食上癮。
一向鍾情嫩口後生女的Edison，今次竟然轉口味，睇中30歲的麥浚龍舊愛Janine（戴庚玲），着死敵舊鞋。新歡Janine係中英混血模，同「ABC」Edison同聲同氣，加上做開model影慣相，對鍾意揸相機的Edison更係絕配。
前度有新目標，葡萄Cammi立即反擊笑對方愈食愈熟：「吓？家食啲咁老？」
借影相溝女
落力保護新歡，事關溝女永冇失手的Edison，原來仲未將Janine追到手。「Edison好耐之前已識Janine，係朋友啲朋友介紹，不過當時Janine同Juno行得好埋，Edison咪冇插手囉！到近排知道Janine變番single，Edison即做嘢，兩個月前親自打畀對方，請佢幫旗下時裝品牌Clot做最新一輯廣告model，之後又成日借啲意請人食飯，係人都知佢想點啦！」知情人士透露。
「爭啲老我一倍」
未追到手零舍矜貴，但對現年17歲的舊愛Cammi，Edison並冇用完即棄，非常「念舊」。據知兩人名義上雖已分手，但仍keep住有來往，只要Edison有時間，都會急召Cammi上門，當食常餐。當正Edison係男友的Cammi，可能知道對方又身痕偷食，早前喺微博忽然有感而發：「世界上沒有一件東西是永遠屬於你的……」多次被背叛的Cammi，對住本刊回應時忍唔住寸爆花心男友，兼喪踩情敵年紀大，「吓？家要食啲咁老？以我所知Edison一向只係鍾意後生女，報道話呢個Janine成30歲，爭啲老我一倍，不過睇相又唔似喎！都幾靚女吖，應該唔會係佢杯茶囉！」青春無敵，呢鋪Cammi贏晒啦！
樂基兒師妹
30歲Janine是中英混血兒，與樂基兒同屬Cal-carries旗下。出道多年的Janine中英文流利，更係元朗戴氏後人，家族曾擁有元朗大馬路半數鋪頭，做過英文補習老師，現時多數為雜誌影潮流相，亦曾為Levi's、adidas等年輕品牌做model。
食盡中港台
Edison的溝女戰績彪炳，包括張栢芝、Maggie Q及鍾欣桐等，即使曾經搞出大單淫照風波，依然大把女埋身，目標更遍布中港台兩岸三地，31歲仔唔愁餓親！
約3P內地女星
內地女演員吳思凡向大陸傳媒自爆在北京認識Edison，對方即以短訊約佢上酒店房影相，甚至約埋另一個女仔玩3P，但吳拒絕應約，事後更公開短訊證明並非炒作。
外遊港模
有傳Edison與現年22歲、貌似Stephy的Chrissie師妹Suki，今年4月孖住去美國睇騷，兩人同時將音樂節的相放上網，Suki更有疑似由Edison操刀的浸浴照，但Edison其後發聲明否認。
網撩台灣辣模
鍾意上網撩女的Edison，今年2月在Instagram喪溝台灣混血32C索模Nita，除咗狂like女方的性感肉照，又留言大讚「You're so hot！」可惜Nita嫌Edison太雜食，拒絕受溝。
正印女友楊永晴（Vincy）
上年11月，Edison與拍拖5年的楊超成女兒楊永晴分手，雖然分手冇耐即同Cammi撻着，但Edison於今年3月出席活動時仍戴住兩人的定情手鈪，扮晒長情。
床照女角鍾欣桐
01年Edison拍MV〈緋聞〉，指定要搵阿嬌做女主角，多重攻勢後終於鍊贏余文樂將阿嬌追到手，雖然一直死口唔認拍拖，但09年兩人的床照流出，冇得抵賴。 ####
Edison搵Janine做Clot今年嘅廣告model，仲將拍攝花絮放上Instagram，但卻未有合照，似乎Janine唔想咁快同Edison影密照喎！
Janine 08年為Juno的〈寫得太多〉MV做女主角，10年6月正式拍拖，可惜9個月貨仔玩完。《蘋果日報》圖片
將於暑假出寫真的Cammi，近日不斷喺微博感性留言，但宅男網友其實只關心佢性感新相，Cammi都係慳番啖氣啦！
啜嘴慾照曝光後，Edison即絕情宣布同Cammi分手，但私底下兩人仍保持「聯絡」，掟煲唔掟蓋。
同Janine睇戲前，Edison同兩個家姐一齊慶祝老豆陳澤民（左二）60歲生日。
留言列表
{{ article.title }}
