前亞視「新聞之花」繆美詩，兩年前開設公關公司做老闆，今日的身份，還是一個九個月大B女的媽咪。

擔任了新聞主播五年，繆美詩口齒伶俐，說話時抑揚頓挫，只是現在的背景不同，她少了點嚴肅，多了份天真，談及女兒葉芷晴乳名「小冬冬」的由來時，坦率又含羞地吐出因由：「因為我平衡力好差，老公叫我做『大冬瓜』、『大冬冬』，咁個女咪叫『小冬冬』囉！」簡單幾句，已滲透出幸福和甜蜜！她續說：「你做咗媽咪之後都會係咁，所以我鍾意參加parenting groups，因為大家都好體諒對方毛管戙嘅時候。」

今日談笑風生的繆美詩，比昔日在《六點鐘新聞》中正襟危坐，更有魅力。

繆美詩的女兒芷晴現在九個月大，開始轉食固體食物及illuma奶粉，她說：「健康院姑娘話呢隻奶粉好，叫BB繼續食唔好轉。」

繆美詩於九七年加入亞視新聞部任記者，兩年後已成為《六點鐘新聞》的主播，有「新聞之花」的美譽。

實戰經驗

畢業於加拿大Ryerson Polytechnic University傳理系的繆美詩，九七年加入亞視新聞部任記者，兩年後已躍升為《六點鐘新聞》主播；其後半工讀修讀工商管理系碩士課程，畢業後轉型擔任公關公司傳訊主管，至一○年七月更開設銘善顧問做老闆。繆美詩形容自己的前半生都在事業上奮鬥，因此，兩年前跟拍拖五年、從事IT的Vincent結婚後，轉瞬便懷孕，她說：「當到咗咁上下嘅年齡，會發現人生剩係得番工作，於是就將自己嘅生活由頭再秤過，我依家會擺好多時間喺小朋友嗰度！」

繆美詩的丈夫Vincent，從事IT行業，兩人對女兒的教育路向均有共識，就是一切從簡，「唔好逼個女，唔好搞咁多嘢」。

去年九月，繆美詩與丈夫的結晶品出世，女兒名葉芷晴，英文名Charley，她刻意為囡囡挑選較中性的英文名，便是要避免愛女有公主病，「我未生之前，都睇好多育兒書，但我發覺睇十本書都冇用！嗰陣我都成日提醒自己，BB跌倒嘅時候，千祈唔好第一時間衝埋去，但係當件事真係發生，你就會咁做。好似前幾日之嘛，我喺屋企抱住個女，畀佢啲玩具絆倒，兩個一齊跌低，嗰種內疚感係會蓋過一切，我內疚到問自己係咪照顧得BB唔好？於是就會更加想保護佢。我發覺呢個係惡性循環嚟嘅！」因此，繆美詩參加了parenting groups，跟家長分享感受和經驗，同時聽從指導員的意見，「透過實戰經驗學習做人父母，有用過睇書！」

現在的繆美詩，一星期工作六天，其中兩天只在早上工作，於是，見客、訓練、籌辦活動均安排在餘下四天完成，「咁我就可以多啲時間睇住BB，如果我唔做嘢，我驚自己有太多energy逼個女學呢樣學嗰樣，我唔想做超級怪獸家長囉。」