陳豪食完麵即刻走去隔籬五金鋪買咗排電芯，仲買咗20蚊人仔鐵綫，返酒店自製通風系統，真係估你唔到。
《金枝慾孽（貳）》上週飛到橫店影城取景，一眾主角好似陳豪、蔡少芬同苟芸慧等要喺橫店逗留成個月，所以一到埗，佢哋都四出買定啲生活必需品。
飾演大老倌嘅陳豪同「如妃」鄧萃雯戲分最多，但雯女現時在北京拍緊《棋逢對手》，大約要週末先會落橫店會合劇組，陳豪惟有拍住同「淳太妃」伍姑娘嘅戲分先。
《金》劇大隊連演員住喺呢間3星級嘅影星酒店，標準房730蚊人仔一晚，不過無綫團購大量房，以超優惠200人仔搞掂。
孤清食麵牛肉拉麵 ￥20 夜晚先開工，陳豪無嘢做，一支公走咗去食麵。
煲粥緊要苟芸慧（左）同梁嘉琪到埗後翌日，趁未開工即刻申請電話咭，又買齊零食。日日開成廿個鐘，冇呢啲配套，真係唔知點打發時間。
早前捲入涉被姦女星嘅無綫新人陳婉婷，有份拍《金》劇，隨隊上橫店。
週一（11日）蔡少芬下晝唔使開工，即刻帶個女出去行街。FBI問佢幾時拍完等問題，佢就話：「你哋亂作得㗎喇！唔好阻住我陪個女呀！」
《金》劇所有重頭戲都喺橫店拍攝，呢一場拍蔡少芬同龔嘉欣嘅相擁哭戲，一roll機蔡少芬喊到開水喉咁款，但轉頭又可以若無其事同阿戚睇playback，呢啲咪爐火純青囉！
全站熱搜
留言列表
{{ article.title }}
