10:00am監察網站運作
唐貝詩返到公司，第一時間觀察網站購物情況，更會於facebook回答會員提問。
上流滙 香港搵食艱難，打工仔日做十幾個鐘都要頂硬上，唔敢呻半句。
相比家底豐厚的名人二代，一出世就攤大手板，際遇差天共地。
不過並非個個富二代都只愛蒲爛玩。
寇鴻萍長女唐貝詩（Lydia），幫阿媽搞網站生意半年，更遵從阿媽定下的三大規條，試過犯規而被扣半個月糧，唔係易撈。
規條
1.遲到扣半個月糧
2.office內不可傾私人電話
3.見客時一定要穿西裝和化妝
扣半個月糧
富二代令人聯想起愛蒲爛玩、做事唔認真，唐貝詩無懼被外界標籤。無奈說︰「我知道係會俾人label，不過我唔係好care，你有冇努力，其他人會見到。」網站有十多名員工，她由管理員工、搵貨到見客都一手包辦。為了令其他員工打工打得心服口服，老闆寇鴻萍只好向女兒唐貝詩定下三大開工規條，寇說：「佢要遵守比其他員工更苛刻嘅工作規條，連返工嘅衣着都要份外小心，絕無優待。」唐貝詩對此解釋：「媽咪冇話對我好嚴，不過要求就一定高過其他人。開頭試過遲到，扣咗我半個月人工，當時我得8千，扣剩得4千咋！之後我就唔敢再遲到。」據知唐貝詩現時返朝十晚七，去年試過返工連續兩日遲到，每次遲到約二十分鐘，唐續說：「係我唔啱先，媽咪係老闆，點都要服從。依家加咗人工，叫滿意啦，幾錢就唔方便講。」
希望年賺百萬
記者早前到過唐貝詩位於銅鑼灣辦公室，了解她的打工實況， 發現她的工作量頗多，除要長期實網站操作，當日她與眾同事就開了六個會。不過她有十多個手下為她分擔職務，唔算勞碌。
對於生意營運，讀工商管理的唐貝詩主意多多，主攻美容產品的她，落力引入限量版貨品，她滿有信心說︰「揀產品好緊要，總之啲嘢比人哋吸引，我哋都會做。好似有啲法國護膚品，賺4、5蚊，都一樣照做。」網站賣大包售幾蚊平貨，成功吸納不少會員，連廣告費都慳埋。「其實我最想網站多人瀏覽，瀏覽量夠高，就可以吸引其他產品喺我網站賣廣告。我好pround of自己，由頭一個禮拜冇人買，到依家有二萬幾個會員，都算成功，我希望今年能夠賺第一個一百萬。」
做生意錢搵錢，有後盾的話，要搵百萬唔難，富二代點都比窮二代好命。
網站大雜賣
唐貝詩管理的網上生意「PurrrChase喵擊」，網址是http://www.purrrchase.com，基本上是一個特賣平台，所有不同種類的貨品都有得賣。唐貝詩的最大責任，除了聯絡這批貨品的供應商傾獨家買賣權外，更要保證貨品是市面最平。 ####
阿媽實傾生意
今年初，唐貝詩為了交數，索性打埋人情牌，孖住寇鴻萍搵位元堂後人同學仔搵貨。《壹週刊》圖片
14:30pm員工報數午飯後，唐貝詩與同事跟進銷售情況後，便向市場部同事商討訂貨事宜。
唐貝詩於網站工作半年，房內放滿家庭照（上圖），keyboard上亦貼上購自網站的粉紅貼紙，幫屋企打工零舍有歸屬感。
17:30pm整理貨物一有新產品送到，唐貝詩親自檢查質量後，便安排同事影相放上網。
早前，唐貝詩搵埋阿媽、妹妹唐貝欣（左一）做生招牌，幫網站影廣告相，全程跟到實，連甫士都要管埋。
記者發現網站中最貴的貨品就是這支1982年出產的Lafite紅酒，標價為$53,388。
為了聲勢，寇鴻萍就邀請一班「至八會」成員，將她們親繪的畫作，獨家放在網站售賣，其中鄭裕玲這張「Tree of happiness」賣萬八蚊，但暫時未有人識貨。
留言列表
{{ article.title }}
